تورخم بندری کمیساری مسئوللری، بوگون (چهارشنبه، ۱۵-قوس)، اوشبو بندر پاکستان دولتی تامانیدن سوداگرلیک توارلر یوزی گه یاپیلگنیدن خبر بیرگنلر.
تورخم بندری کمیساری عصمت‌الله یعقوب نینگ ایتیشیچه، افغانستان چیگره‌چیلری پاکستان حربی کوچلری گه اوشبو چیگره نینگ ۲۰ مترلیگیده ینگی دروازه قوریش گه رخصت بیرمسلیک‌لری باعث، پاکستان دولتی چیگره ایشیگینی یاپگن.
بیزلرنینگ فیسبوک صحیفه‌میزگه باش اورینگ!
قندهار معلومات و مدنیت ریاستی نینگ اطلاعات آمری قریشی بدلون نینگ سلام‌وطندار گه ایتیشیچه، پاکستان چیگره‌چیلری اوتگن کیچه افغانستان توپراغی ۲۰ مترلیگیده بیلبورد قوندیریش و ینگی دروازه قوریش گه اقدام قیلگن.
او نینگ کوپه‌یتیریشیچه: «اوتگن کیچه [سه‌شنبه، ۱۴-قوس]، پاکستان حربی کوچلری افغانستان توپراغی ۲۰ مترلیگی و تورخم بندری ایشیگی یقینیده «خوش کیلدینگیز» بیلبورد قوندیریش گه اقدام قیلدیلر، نهایت افغان چیگره‌چیلری اولر گه ایزین بیریشمه‌دی، شونی اوچون اولر تورخم ایشیگینی نامعلوم مدت‌گچه ترانزیت یوزی گه یاپدیلر، بو قیینچیلیک مذاکره بیلن حل ایتیلیشی مقصدیده سعی‌وحرکت قیلماقده‌میز.»
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک، بوندن آلدین تورخم بندری ایشیگی اسلام امیرلیگی و پاکستان چیگره‌چیلری نینگ توقنشووی کبی تورلی بهانه‌لر سبب، یولاوچیلر و سوداگرلیک توارلر یوزی گه یاپیلگن.
