خوست یشاوچیلری دن بیرقطاری نینگ ایتیشلریچه، اوشبو ولایت ده ارتوپیدی و فیزیوتراپی کسللرینی دوالش مخصوص مرکز عیال شفاکارلر آزلیگی بیلن روپه‌ره‌دیر. اولر گه کوره، کسللرینی دوالش اوچون کابل یا که باشقه خصوصی کسلخانه‌لر گه آلیب باریش گه مجبور بوله‌دیلر.
خوست یشاوچیلری مسئوللر دن، اوشبو مرکز ده عیال شفاکارلری استخدام بولیشی اوچون تیزلیک بیلن اقدام قیلیش‌لرینی سوره‌یدیلر.
خوست یشاوچیسی رحمان نینگ ایتیشیچه: «بو ییر ده طبی اوسکونه آز دیر، ایریم پیت‌لر کسللرنی تشخیص قیلیش ده قیینچیلیک تاپیله‌دی؛ بو مرکز ده عیال شفاکار استخدام بولیشی همه نرسه دن کوره مهم دیر. سویک‌لری آغریدیگن عیاللر؛ عیال شفاکارلر گه آغریق‌لرینی قولی‌‌لیک بیلن توشینتیریش‌لری ممکن.»
بیزلرنینگ فیسبوک صحیفه‌میزگه باش اورینگ!
خوست محلی مسئوللری گه کوره، هر آی اورته روشده، بیر مینگ دن آرتیق کسل ارتوپیدی و فیزیوتراپی گه مراجعت قیله‌دیلر.
خوست ارتوپیدی مرکز آمری موساجان بشیرزوی، مذکور مرکز ده عیال شفاکارلری یوق‌لیگینی تصدیقله‌یدی. سویک آغریق عیاللر اوزلرینی دوالش اوچون کابل یا که باشقه شخصی کسلخانه‌لر گه مراجعت قیلیش گه مجبور بوله‌دیلر. او نینگ کوپه‌یتیریشیچه، خوست یشاوچیلری سانی گه قره‌گنده ساغلیک ایشلاوچیلر آز دیر و بونگه علاوه، اولر طبی اوسکونه آزلیگی بیلن روپه‌ره دیر.
بشیرزوی نینگ ایتیشیچه: «بو مرکز ده عیال فیزیوتراپیست بارلیگی مهم دیر. ناگران عیاللر بو ییر گه مراجعت قیلسه اکثریتی ایرکک شفاکار تیکشیریشنی ایستمه‌یدی، کسل نی آلیب کیتیشه‌دی و نهایت کسل وفات ایته‌دی.»
بیزلرنینگ «ایکس» ترماغی ده هم تعقیب قیلینگ!
برچه‌سی بیلن، خوست ساغلیق‌نی سقلش ریاست مسئوللری، اوشبو ولایت اهالیسی نینگ قیینچیلیک‌لری حلی اوچون سعی‌وحرکت قیله‌یاتگنلریدن ایشانچ بیریب، طبی اوسکونه و عیال شفاکار آزلیک مسئله‌سینی ساغلیق‌نی سقلش وزیرلیگی بیلن شریک قیلگنلر.
خوست ساغلیق‌نی سقلش باشلیغی گل‌صاحب شاه گه کوره: «بیز وزارت بیلن علاقه ده‌میز و اولر ییتتی یا که سکیز عیال شفاکارنی استخدام قیله‌دیلر. طبی اوسکونه آزلیک مسئله‌سی اولر بیلن شریک قیلینگن انشاءالله بو مسئله هم حل بوله‌دی.»
ایتیش کیره‌ک، خوست ده اورتوپیدی و فیزیوتراپی کسللرینی دوالش مرکزی، اوشبو ولایت ده کسللرنی دواله‌یدیگن یگانه مرکز دیر.
