هلمند یشاوچیلری نینگ ایتیشلریچه، اوشبو ولایت خانشین تومنی‌ده جایلشگن بی‌بی جان تاریخی قلعهسی، یوق بولیش خوفی بیلن روپه‌ره دیر.
هلمند دهگی تاریخچیلر نینگ ایتیشلریچه، مذکور قلعه کمیده بیرمینگ ییل‌لیک تاریخ گه ایگه دیر.
بیزلرنینگ فیسبوک صحیفه‌میزگه باش اورینگ!
خانشین تومنی یشاوچیلریدن بیری دادمحمد نینگ ایتیشیچه: «یقین اون ایکی ییل‌دن بویان شو ییرده یشه‌یمن، بو تاریخی قلعه یاغینگرچیلیک موسومی‌ده بیراز چپه بولگن، بو تاریخی ییر نینگ انیق تاریخی بیزگه بیللی ایمس، بو تاریخی جای سقلنیشی کیره‌ک.»
شونینگدیک مذکور ولایت خانشین تومنی یشاوچیلریدن باشقه بیری میرزا نینگ ایتیشیچه: «بیزنی دولت‌دن طلب‌میز شو دیر که بو تاریخی جای اوچون توجه قره‌تسین، بونی قیته قورسین، چونکه هر ییل بو قلعه یامغیر کبی طبیعی حادثه‌لردن زیان کوره‌دی، بو تاریخی قلعه قیته قوریلگن تقدیرده کوپلب سیاح‌لر بو ییرده کیله‌دی.»
هلمند دهگی تاریخ شناسلردن بیری محمداسماعیل شریعت، تاریخی آبده‌لر و اثرلر نینگ اونملی بولگنی گه اشاره قیلیب و ایتیشیچه، حکومت و یشاوچیلر مذکور آبده‌لر نینگ سقلنیشی اوچون سعی‌وحرکت قیلیشلری کیره‌ک.
اونینگ کوپه‌یتیریشیچه: «بو حکومت اینیقسه مدنیت و اطلاعات ریاستی نینگ بورچی دیر که تاریخی آبده‌لرنی سقلب و تاریخی جای‌لرنی غصبت‌دن آزاد قیلسه، بیزنی اهالی‌دن هم طلب‌میز شو که بو کبی تاریخی مکان‌لر سقلنیشی اوچون اوز بورچلرینی بجرسینلر، تاریخی مکان‌لرگه هیچ قندی اره‌لشمه‌ی، او ییرلرنی ایکین‌زارگه اَیلنتیرمه‌سینلر.»
بیزلرنینگ «ایکس» ترماغی ده هم تعقیب قیلینگ!
هلمند معلومات و مدنیت ریاستی نینگ تاریخی آبده‌لر بولیمی آمری حمد‌الله مدثر نینگ ایتیشیچه، معلومات و مدنیت وزیرلیگی گه مذکور ولایت‌ده‌گی تاریخی قلعه‌لر نینگ قیته قوریلیشی اوچون تکلیفلرنی یوباریب و اوشبو ولایت تاریخی بولیم‌لریدن قطاری نینگ قیته قوریلیشی نی کوتیب تورگن.
جناب مدثر نینگ کوپه‌یتیریشیچه: «بو توغری دیر که بی‌بی جان قلعهسی کبی ایریم تاریخی قلعه‌لر بیراز ویران بولگن و بونگه سبب هم سوو تاشقینلر و یامغیرلر کبی طبیعی حادثه‌لر دیر، بیز بو توغریده وزیرلیککه تکلیف بیرگن‌میز و امید قیله‌میز کوپلب قلعه‌لر قیته قوریلسه.»
هلمند نینگ کجکی، خانشین و دیشو تومن‌لریده کوپ قطار تاریخی قلعه بار که اولردن کوپینچه‌سی ۲ مینگ ۵۰۰ ییل‌لیک تاریخ گه ایگه دیر؛ لیکن سوو تاشقینلر و حکومت‌لر نینگ توجه‌سیزلیگی نتیجه‌سیده، یوق بولیش خوفی آستیده قرار تاپگن.
