«قیس ارغندیوال» اسمی آستیده خیریه بیر نهاد، مملکت بویلب اوغیل و قیزلر مکتب‌لریدن قطاری گه، ۶۸ بنا قوره‌دی.
مذکور خیریه نهاد مسئولی محمدقیس ارغندیوال نینگ ایتیشیچه، قیز و اوغیل اوقووچیلر گه یخشی تعلیم آلیش زمینه‌سی یره‌تیلیشی مقصد، اوشبو برنامه نی شخصی پول بیلن تورلی ولایت‌لرده قولگه آلگنلر.
بیزلرنینگ فیسبوک صحیفه‌میزگه باش اورینگ!
قیس ارغندیوال خیریه نهادی مسئولی گه کوره، مکتب‌لر اوچون تعمیر قوریش پروسه‌سی اوتگن کون جوزجان دن باشلنگن.
عین حالده، اوتگن کون (چهارشنبه،۳-عقرب)، جوزجان ده «شهید جنرال عبدالحکیم قهرمان» مکتبی‌ده درسی بیر بنا نینگ تمل تاشی قوییلگن.
جوزجان معارف رئیسی محمدطاهر جواد نینگ ایتیشیچه، اوشبو بنا سکیز درسی صنف بیلن، ایکی میلیون افغانی خره‌جت گه قوریلگن. اونگه کوره، اونینگ قوریلیش ایشی کیله‌سی ایکی آیگچه یکونلنه‌دی.
جوزجان معارف رئیسی نینگ کوپه‌یتیریشیچه، عبدالحکیم قهرمان مکتبی‌ده قریب اوچ مینگ قیز و اوغیل اوقووچی درس اوقیماقده و اونگه کوره، مذکور مکتب نینگ ینگی بناسی قوریلیش ایشی یکونلنیشی بیلن، ۱۵۰۰ اوقووچی گه تینچ تعلیم زمینه‌سی یره‌تیلیشی ممکن.
بیزلرنینگ «ایکس» ترماغی ده هم تعقیب قیلینگ!
بوندن آلدین جوزجان معارف رئیسی، اوشبو ولایت‌ده ۱۲۷ مکتب نینگ ستندرد بناسی یوقلیگی و ۴۰ مینگ‌دن آرتیق اوقووچی نینگ آچیق هوا و خیمه‌لرده درس اوقیشی نی اَیتگن ایدی.
