بیرلشگن ملت‌لر تشکیلاتی کینگشی، افغانستان ده خاتین قیزلر نینگ تولیق و تینگ مشارکتی‌نی طلب قیلدی. مذکور کینگش اعضاسی سه‌شنبه کونی ۶-جدی، بیر بیانیه آرقه‌لی اسلام امیرلیگی تامانیدن بیلیم یورت‌لر گه عیاللر حضور تاپه آلمه‌سلیگی و نادولتی موسسه‌لرده عیاللر ایشی توخته‌تیلیشی نی قاره‌لگن.
بیرلشگن ملت‌لر تشکیلاتی خوفسیزلیک کینگشی نینگ ایتیشیچه، عیاللر نینگ ایشی توخته‌تیلیشی، افغانستان ده انسان‌پرور‌لیک عملیات‌لر جمله‌دن بیرلشگن ملت‌لر تشکیلاتی نینگ عملیات‌لری خصوصیده تاثیر‌لر قوییشی ممکن.
بیزلرنینگ فیسبوک صحیفه‌میزگه باش اورینگ!
خوفسیزلیک کینگشی نینگ بیانیه‌سیده کیلیشیچه: «مذکور چیکلاو‌لر، افغانستان اهالی‌سی برابریده اسلام امیرلیگی نینگ تعهد‌لری و شونینگدیک خلق‌ارا جماعه نینگ امید‌لری بیلن قرشی دیر.»
بیرلشگن ملت‌لر تشکیلاتی خوفسیزلیک کینگشی نینگ برچه اعضاسی گه کوره، افغانستان ده مکتب‌لر و بیلیم یورت‌لر گه عیاللر و قیزلر نینگ حضور تاپه آلمه‌سلیگی، انسان حق‌لری و اساسی ایرکین‌لر گه حرمت قایل بولینیش نینگ کمه‌یشی نی بیان قیله‌دی.
بیزلرنینگ توییترده هم تعقیب قیلینگ!
عین‌حالده شنبه کیچه، ۳ جدی، اقتصاد وزیرلیگی ترقه‌تگن مکتوبی ده، ایچکی و خارجی نادولتی مؤسسه‌لرده عیال ایشلاوچیلر نینگ ایشلرینی توخته‌تدی. نادولتی مؤسسه‌لرده خاتین‌لر نینگ ایشی توخته‌تیلیشی گه دایر اسلام امیرلیگی نینگ قراری، ایچکی و خلق‌ارا مناسبت‌لر گه روپه‌ره بولگن.
