قیزخاچ کمیته‌سی، افغانستان ده بشری وضعیت آغیرلشیدن خواطر بیلدیریب ایتیشیچه، اسلامی امارت حاکمیتیدن کیین مملکتده‌گی وظیفه‌دارلر کیشی‌لر نینگ کونیده ۱۰۰ افغانی عایدی بار و قریب ۲۰ میلیون کیشی نینگ ییترلی ییگولیک آوقاتی یوق دیر.
عین‌حالده، کابل ده‌گی محتاج کیشی‌لر ییترلی ییگولیک ماده‌لری یوق‌لیگیدن نالیب ایتیشلریچه، ایریم پیت‌لر آچ قاله‌دیلر.
بیزلرنینگ فیسبوک صحیفه‌میزگه باش اورینگ!
محتاج‌لردن بیری یارمحمد نینگ ایتیشیچه: «آلتی عایله اعضامیز اجاره اوی گه تیریکچیلیک قیله‌میز و کیچه‌لری هیچ نرسه یوق‌لیگی اوچون آچ یاته‌میز.»
باشقه تاماندن، سلام‌وطندار بیلن صحبت اوتکزگن کابل یشاوچیلریدن بیرقطاری اسلامی امارت حاکمیتیدن کیین ایش‌سیز بولگنلرینی معلوم قیله‌دیلر.
کابل یشاوچیلریدن باشقه بیری علی‌احمد سلطانی گه کوره: «اسلامی امارت حاکمیتیدن آلدین بیر کمپنیه گه ایشلر ایدیم، اسلامی امارت دن کیین شرکت یاپیلدی و بیز ایسه ایش‌سیز قالدیک و مین کبی باشقه یوزلب کیشی ایش‌سیز قالگن و اسلامی امارت دن، اولکه یشاوچیلری گه ایش شرایطینی یره‌تیشنی طلب قیله‌میز.»
بیراق اسلامی امارت مسئوللری، اولکه بویلب اقتصادی قیینچیلیک حلی اوچون سعی و حرکت قیله‌یاتگنلریدن ایشانچ بیره‌دیلر.
بیزلرنینگ توییترده هم تعقیب قیلینگ!
اسلامی امارت سوزلاوچیسی ذبیح‌الله مجاهد نینگ ایتیشیچه: «ییگولیک ماده‌لر نرخی ثابت اسره‌لیشی، سوداگرلیک بازار آچیلیشی بیلن مملکتده‌گی آچ‌لیک معمالری حل بوله‌دی و اسلامی امارت نادارلیک میزانی کمه‌یشی مقصدیده سعی و حرکت قیلماقده دیر.»
قیزل خاچ کمیته‌سی گه کوره، افغانستانده بشری وضعیت آغیرلشی سبب، میلیون‌لرچه کیشی ییگولیک ماده تاپیش اوچون سرک‌لر گه توکیلگنلر.
