چین ییر شناسلری دنیا علم-فن جماعتچیلیگینی حیرت گه سالگن کشفیات حقیده معلوم قیلدی.
یېتکرمهلرنینگ معلوماتی گه کوره، چیننینگ هونان ولایتیده دنیادهگی اېنگ کتته «آلتین» کانی تاپیلگن.
دستلبکی حساب-کتابلر گه کوره، ییر آستیده بیر مینگ ۱۰۰ تنگچه آلتین موجود بولیشی ممکن. بو مقدار حاضرگی بازار نرخلریگه کوره، تخمیناً ۸۳ میلیارد امریکا دالری قیمتیگه تینگ. چین دولت یېتکرمهلری گه کوره، کشفیات پینگجیانگ شهری وانگو کانی حدودیده عملگه آشیریلگن.
ییر شناسلر ۲۰۰۰ متر چقورلیکده ۴۰ دن آرتیق آلتین تامیرلرینی تاپیشگن. شونینگدیک، اوچ بعدلیک مدللشتیریش نتیجهلری کان ېنه ۳ کیلومتر چقورلیکچه چوزیلیشی ممکنلیگینی کورستگن.
متخصصلرنینگ تأکیدلشیچه، جنس ترکیبیدهگی آلتین مقداری هر تنده ۱۳۸ گرامنی تشکیل اېتهدی. بو کورستکیچ جهان آلتین قزیب آلیش صناعتیده جوده کم اوچرهیدیگن یوقاری نتیجه حسابلنهدی.
اگر حساب-کتابلر رسماً تصدیقلنسه، ینگی کان اوزاق ییللر دوامیده ۱۰۲۵ تُن بیلن دنیاده اېنگ کتته دیب حسابلنگن جنوبی افریقادهگی «سوت کیپ» کانینی هم آرتده قالدیرهدی. بو اېسه چیننی آلتین ایشلب چیقریشده مطلقا یېتکچی گه ایلنتیریشی ممکن.
کشفیات الهقچان جهان بازاریدهگی وضعیت گه تأثیر کورستدی – یېتکرمهلر خبرلریگه کوره، آلتین نرخی بیر اونس اوچون ۲۷۰۰ دالر گچه کوتریلگن. چین، بوگونگی کونده هم اېنگ ییریک ایشلب چیقرووچی و استعمالچی صفتیده اۉز موقعینی ېنهده مستحکملشی کوتیلماقده.
