بوگون ۲۱-نومبر خلق‌ارا تلویزیون کونی گه تېنگ. مملکت‌ده یېتکرمه‌لر اینیقسه تلویزیون‌لر تورلی قیینچیلیک بیلن دوچ بولگن بیرحالده، بو ییل خلق‌ارا تلویزیون کونی یېتیب کېلگن.
خلق‌ارا تلویزیونی کونی بیلن اسلام امیرلیگی گه کوره، سرپرست حکومت یېتکرمه‌لر گه توسیق بولمه‌یدی بلکه، مملکت قاعده‌لری اساسیده یېتکرمه‌لرنی قۉللب-قوتله‌یدی.
اسلام امیرلیگی سۉزلاوچیسی ذبیح‌الله مجاهدنینگ سلام‌وطندار گه ایتیشیچه: «یېتکرمه‌لر مملکت‌نینگ ملی منفعت‌لری گه تېنگ فعالیت‌لری گه دوام بیریشی ممکن، یېترلیچه همکارلیک بولگن و کوچی‌میز یېتگونچه یېتکرمه‌لر بیلن همکارلیک قیله‌میز، افغانستان‌ده‌گی یېتکرمه‌لر حاضر هم عادی طرزده فعالیت قیلماقده‌لر.»
بیزلرنینگ فیسبوک صحیفه‌میزگه باش اورینگ!
برچه‌سی بیلن اسلام امیرلیگی، مملکت‌ده‌گی یېتکرمه‌لرنی قۉللب-قوتلشیدن ایشانچ بیلدیرسه‌ده، بیراق حاضرگه قدر یېتکرمه‌لرنینگ فعالیت آلیب باریش برابریده ایریم قیینچیلیک‌لر بار.
ژورنالیست‌لر اینیقسه تلویزیون‌لر فعاللری، موجود قییچیلیک‌لر حل اېتیلیشی گه تأکید اېته‌دیلر.
ژورنالیست‌لردن سید بلال‌الدین صیادنینگ سلام‌وطندار گه ایتیشیچه: «گزارش‌لر اساسیده بیرقطار ولایت‌لرده تلویزیون‌لرنینگ کورسه‌تووی یاپیلگن و ایریم خواطرلر گه سبب بولگن، اسلام امیرلیگی تلویزیون‌لرنینگ کورسه‌توو اهمیتینی اعتبار گه آلیب و تلویزیون‌لرنینگ یاپیلیشی گه اقدام قیلمسلیگی اوچون امید بیلدیره‌من.»
بیزلرنینگ «ایکس» ترماغی ده هم تعقیب قیلینگ!
سۉنگی کونلرده، اینیقسه اسلام امیرلیگی امر معروف و نهی منکر وزیرلیگی‌نینگ ینگی قانونی تصدیقلنگنیدن سۉنگ، مملکت‌ده بیرقطار تلویزیون‌لرنینگ کورسه‌تووی جدی قیینچیلیک بیلن روپه‌ره بولگن.
بو قانون تصدیقلنگنیدن کېین؛ مملکت‌نینگ بیرقطار ولایت‌لریده محلی مسئوللر تامانیدن تیریک نرسه‌لرنینگ صورت گه آلیش تقیق‌لندی و تخار بو ولایت‌لرنینگ بیلگیسی دیر.
تخارده‌گی ژورنالیست‌لردن فریدون یلداش گه کوره: «تیریک نرسه‌لرنی صورت گه آلالمسلیک، حقیقتن بیزنی جدی قیینچیلیک بیلن دوچ قیلگن.»
باشقه تاماندن، تخار ولایتیده ژورنالیست‌لر و تلویزیون مسئوللری، بو چېکلاولر دوام تاپیشی، تلویزیون‌لرنینگ کورسه‌تووی گه چېک قوییلیشی ژورنالیست‌لر و خادملری نینگ تقدیرسیز بولیشی گه سبب بولیشینی اېته‌دیلر.
تخارده‌گی یېتکرمه فعاللری و ژورنالیست صدرالدین قونوی‌نینگ کوپه‌یتیریشیچه: «بو چېکلاو، کوپینچه ژورنالیست‌لر ایشلرینی قولدن بیریش و یېتکرمه ساحه‌سیده فعالیت‌لری گه دوام بیره آلمسلیکّه سبب بوله‌دی.»
اۉتگن ییل ترقه‌لگن معلومات‌لر اساسیده، مملکت‌ده اسلام امیرلیگی حاکمیتیدن سۉنگ تورلی دلیللر طفیلی ۵۲ فایز تلویزیون‌لرنینگ فعالیتی توخته‌تیلگن.