خلقارا ساغلیقنی سقلش تشکیلاتی، اکس صحیفهسیده یازیشیچه، اوتگن ایکی کونده بیرلشگن عرب امیرلیکلریدن ۱۴۵ تُن دارو و طبی جهازلر کابل گه ییتیشگن.
مذکور تشکیلات گه کوره، اوشبو طبی جهازلر، قیزهمیق، ایچ کیتمه و ساووق اورمه کسللیکلرینی دوالش پاکتلری و اونملی دارو-درمانلردن عبارت دیر.
بیزلرنینگ «ایکس» ترماغی ده هم تعقیب قیلینگ!
خلقارا ساغلیقنی سقلش تشکیلاتینینگ ایتیشیچه، مذکور طبی جهازلر ساغلیقنی سقلش خادملریگه شاشلینچ حالتلرده تیزراق عمل قیلیش و افغانستان بویلب طبی خذمتلرنی کورسهتیشده یاردم بیرهدی.
افغانستان ده خلقارا ساغلیقنی سقلش تشکیلاتی نمایندهسی ادوینسینیزا سلوادورنینگ ایتیشیچه، افغانستان ساغلیقنی سقلش سکتوری حاضر ایسه طبی جهازلرگه کوپراق نیازی بار. «اوشبو یوکلر افغانستان جمعیتیگه یاردم بیریش و اهالینینگ مهم طبی خذمتلرگه قول تاپیش امکانیتینی آشیریش یولیده کته بیر آدیم دیر. افغانستان اهالیسی ساغلیق خذمتلرنی کورسهتیش اوچون اولر یانیدهمیز.»
بیزلرنینگ فیسبوک صحیفهمیزگه باش اورینگ!
افغانستاننینگ ساغلیقنی سقلش توزومی دههلردن بویان خلقارا همجمعیت یاردملریگه تیگیشلی بولیب، شونینگدیک خلقارا ساغلیقنی سقلش تشکیلاتی افغانستان ده طبی خذمتلر کورسهتیلیشی، ملکهلی خادملر تیارلنیشی و دوالنیش مرکزلرنینگ قوریلیشی بولیمیده کوپینچه فعالیت قیلگن.
