لوگر یشاوچیلری و ایکینچیلیک ایش بیلرمانلریدن قطارینینگ سلاموطندار گه ایتیشلریچه، سونگی ییللر اوشبو ولایتده ایکینچیلیک و چاروهچیلیک بولیملریده عیاللرنینگ حصه قوشیشی سیزیلرلی درجهده کوپهیگن. اولر، مسئول نهادلردن، بو سهمنینگ کوچهیشی اوچون عیاللرگه ظرفیت آشیریش زمینهلری یرهتیلیشی و اولرنینگ قوللب-قوتلنیشینی ایستهگنلر.
ییللردن بویان تورموش اورتاغی بیلن ایکینچیلیک و چاروهچیلیک بولیملریده ایشلهیدیگن لوگر مرکزی پلعلم شهری یشاوچیلریدن فریدهنینگ ایتیشیچه، اوشبو بولیمده ایرککلر یانیده ایشلب و بو یول آرقهلی عایلهسینینگ اقتصادی صرف-خرهجتلرینی تامینلهیدی.
اونینگ کوپهیتیریشیچه: «کچالو، پیاز، پمیدار و بوغدای ایکیش یانیده، چاروهچیلیک بولیمیده هم ایرککلر بیلن بیرگه ایشلهیمن. بو سعیوحرکتلر یخشی نتیجه بیرگن. لوگر زراعتی بیر ولایت بولیب و بو ولایتدهگی عیاللردن کوپ قطاری ایکینچیلیک و چاروهچیلیک بیلن شغللنگن. مینی کبی قریب ۸۰ عیال بو بولیمده فعالیت قیلهدی؛ سبزهوات اوروغیدن محصولنینگ ییغیم-تیریمیگه قدر، ایرککلر یانیده همکارلر و اوشبو یول آرقهلی درآمد قولگه کیلتیرهدیلر.»
بیزلرنینگ فیسبوک صحیفهمیزگه باش اورینگ!
شونینگدیک لوگر ولایتی برکی برک تومنی یشاوچیسی فاطمه، چاروهچیلیک بولیمیده فعالیت قیلهدیگن عیاللردن باشقه بیر دیر. اونینگ ایتیشیچه، کونده اوزینینگ چاروهلری و باشقه چاروهچلردن ۲۰۰ کیلوگرام گه قدر سوت توپلب و پروسس اوچون کابل گه یوبارهدی.
فاطمهنینگ کوپهیتیریشیچه: «بو ایشنینگ حاصلیدن قولگه کیلگن درآمددن عایلهمنینگ نیازلرینی تامین قیلهمن. لوگر ده کونده ۶۰۰ دن ۸۰۰ افغانیگه قدر درآمدیمیز بار؛ چونکه بیر سطل قتتیق ۲۰۰ افغانیگه قدر ساتیلهدی. عیاللر بو درآمد بیلن عایله نیازلری، تورموش اورتاققه یاردم و باشقه نیازلرینی حل قیله آلهدیلر.»
لوگر دهگی عیاللر نه فقط ایکینچیلیک، چاروهچیلیک و چاروه ییتیشتیریش بولیمیده فعاللر، بلکیم محصوللرنی ییغیش، ساتیش و اولرگه بازار تاپیش توغریسیده هم حصه قوشهدیلر. حمیده ایکینچیلیک و سوت حصوللرینی ساتیب آلیب و قیته بازار گه ساتهدیگن عیاللردن بیری دیر.
اونینگ ایتیشیچه: «اوشبو ولایتده، سبزهوات، سوت، قتتیق کوپ مقدارده ایشلب چیقریلهدی و اهالی اولرنی یخشی صفت و مناسب قیمت بیلن تیار قیلهدیلر. بازار و قیشلاقده بیر کیلوگرام سوت ۲۷ دن ۳۰ افغانیگه قدر ساتیلهدی. چاروهلرنی ییتیشتیریش بولیمیده فعالیت قیلهدیگن عیاللر کوپ جسورلر. اوییمیز یقینیده بیر عیال حیات کیچیرهدی که اونینگ سیگیری بار. او هم اوی مصرفلرینی تامین قیلهدی و همده بازار گه سوت ساتهدی. بیر کیلوگران سوتنی بیزلرگه ۲۷ افغانیگه ساتهدی و کونده ۱۰ کیلوگرام گه قدر سوتنی بازار گه ساتهدی.»
باشقه بیر تاماندن، لوگرده ایکینچیلیک و چاروهچیلیک ایش بیلرمان نسریننینگ ایتیشیچه، مذکور ولایت یشاوچیلریدن کوپ قطاری اوشبو ایکی بولیمده فعالیت قیلهدی و ایرککلر یانیده عیاللر هم ایشلهیدی. اونینگ اورغولیشچه: «لوگر دهگی دهقان و چاروهدار عیال گه تولید، سقلش و زراعتی بیلن سوت محصوللریگه بازار تاپیش توغریسیده ایش اورگهتیلسه، ییغیش و ساتیش سانی ایکی برابر بولیشی ممکن.»
شوندهی بیرحالده، لوگر ایکینچیلیک، سووغاریش و چاروهچیلیک ریاستی مطبوعات مسئولی عبدالبصیر شاهدنینگ سلاموطندار گه ایتیشیچه، عیاللر شامل مذکور ولایت یشاوچیلریدن ۸۰ فایزی ایکینچیلیک و چاروهچیلیک بولیملریده ایش بیلن شغللنگن.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «لوگر یشاوچیلریدن ۸۰ فایزی ایکینچیلیک و چاروهچیلیک بیلن شغللنگن. عیاللر هم ایرککلر یانیده خیشاوه، اوروغنی تازهلش و چاروهچیلیم بولیمیده حصه آلهدیلر. عیاللردن ۳۰ فایزی ایکینچیلیک و چاروهچیلیک بولیمیده ایش بیلن شغللنگن. اولردن کوپ قطاری چاروهلریدن محلی شکلده لبنیات تیارلب و پروسس اوچون مرکز گه یوبارهدیلر.»
عبدالبصیر شاهد گه کوره، لوگر ایکینچیلیک ریاستی بیر قطار خلقارا نهادلر همکارلیگی بیلن دایمی شکلده اوشبو عیاللر گه یاردم بیرگن. بو توغریده بیرلشگن ملتلر تشکیلاتینینگ آزیق-آوقت و ایکینچیلیک تشکیلاتی (FAO)، اوتگن ییل اوی باغچهلرینی یرهتیش، تاووق و سیگیر ییتیشتیریش توغریسیده یوزلب عیال بیلن همکارلیک قیلیب و اولرگه اوروغ و ایکینچیلیک اوسکونهلرینی ترقهتگن.
لوگر یشاوچیلری گه کوره، عیاللرنینگ عایلهلری بیلن ایشلش امکانیتیگه ایگه بولگن بولیملرده کوپینچه فرصت و برنامهلر یرهتیلگنی صورتده، عایلهلر اقتصادی قیینچیلیکلریدن کوپ قطارینینگ حل بولیشی ممکن.
