بعضی وظیفهسی بولگن عیاللر، ایش حقوقی و ایش شرطنامهلرینینگ بندلری حقیده یېترلیچه معلومات گه ایگه اېمسلیکلرینی اېتهدیلر. اولرنینگ ایتیشیچه، کمسیتیش، تینگسیزلیک حقیدهگی معلومات یېتیشماوچیلیگی کوپراق ایش جاییده بولماقده.
سلاموطندارنینگ، تورلی ساحهده وظیفهسی بولگن بیرقطار عیاللر بیلن اۉتکزگن صحبتی اساسیده، ایش شرطنامهلریده ذکر بولگن بندلر کامل و شفاف طرزده عیاللر گه آچیقلنمهیدی. اولرنینگ کوپهیتیریشیچه، شرطنامه فقط عمومی شکلده تقدیم اېتیلهدی و اولر ایش جاییدهگی انیق حقوقلریدن خبرلری یوق.
کابلده خبری آژانسلردن بیرینینگ ایشلاوچیسی مهسا موسومی گه کوره: «شرطنامهده ایشلاوچیلرنینگ انیق حقوقی حقیده هیچ نرسه دیېلمهگن و معلوماتلر یوزهکی دیر و شرطنامه تفصیلاتی حقیده خبریم یوق.»
ایشگه قبول قیلیشده تینگلیک، مناسب مالیهوی حقوق، توغیش تعطیلی و کمسیتیش همده زورهوانلیک برابریده حمایه قیلیش، شبانه مایارنینگ شرطنامهسیده هېچ اشاره قیلینمهگن بندلردن عبارت دیر. «بیز اۉز حقوقیمیزدن خبریمیز یوق، نیچه کیشینینگ ایشینی بجرتیریشهدی و جندر اساسیده حقوق بیریش هم فرق قیلهدی؛ بیز گه نسبتن ایرککلر گه کوپراق آیلیک بیرهدیلر. شونینگدیک تعطیل ساحهسیده، بیز گه هېچ رخصتی بیریلمهیدی.»
بیزلرنینگ فیسبوک صحیفهمیزگه باش اورینگ!
بیرقطار عیاللر، شرطنامه بندلردن نسبی خبرلری بولیشی بیلن، ایش جاییده کمسیتیش و جندر تینگسیزلیگیدن تجربهلری بار. کابل شهریده خصوصی کلینیکلردن بیریده «تیش» شفاکاری نیلوفر ایوبی گه کوره: «شرطنامه و حقوقیم حقیده بیلهمن؛ بیراق جندر کمسیتیلیشی حقیده، ایرککلر گه نسبتن فرقلرنی کورگن من.»
حقوق نقطهی نظردن، افغانستان ایش قانونی ۱۳۸۵-ییلی تصدیقلندی، ایش جاییده عیاللرنینگ حقوقی ایش گه قبول قیلیشده تینگسیزلیک، تینگ حقوق، تینچ و سالم جای، انیق ایش ساعتلری و بیزاوتهلیکنی تقیقلشنی کفالتلهیدی.
مدافع وکیل ایمن بسملنینگ ایتیشیچه: «حقوق نقض بولگن حالده، اداره گه شکایت قیلیش، انسان حقلری کمیسیونی و محکمهلر مراجعت قیلیش کبی قانونی یوللر بار و افسوس بیلن اسلام امیرلیگی حاکمیتیدن کېین عیاللرنینگ حقوقی گه اونچهلیک اعتبار بیریلمهیدی.»
عیال حقوقی فعاللری، ایش حقوقیدن عیاللرنینگ خبر بولمسلیک عاقبتلریگه نسبتن تشویش بیلدیریب، خبر بولمسلیک، عیاللرنی کمسیتیش و ایش تینگسیزلیکلریگه آلیب کېلیشینی اېتهدی.
بیزلرنینگ «ایکس» ترماغی ده هم تعقیب قیلینگ!
عیال حقوقی فعالی تهمینه منگل گه کوره: «اکثریت ایشلاوچلر حقوق و ایش قاعدهلریدن خبرلری یوق و کمسیتیش همده باسیملر برابریده سکوت قیلهدیلر. بو بیخبرلیک، اولرنینگ ایش جاییده حقوقی رعایت اېتیلیشینی قیینچلیک بیلن دوچ قیلهدی.»
شو بیلن بیرگه، ایش و اجتماعی ایشلر وزیرلیگی سۉزلاوچیسی سمیعالله ابراهیمی، بو تشویشلر گه جواب ایتیشیچه، دولت ادارهلری و خصوصی سکتورده ایش قاعدهلری بار.
اونینگ کوپهیتیریشیچه: «دولت و خصوصی سکتورلرده ایش قاعدهلری بار. حاضرگی کونده اسلام امیرلیگی ایشلاوچی عیاللر اوچون ایریم قولیلیکلر کېلتیرگن. جملهدن عیاللر ایش جاییده تینچ و خاطر جمعلیک بیلن ایشلهی آلیشلری اوچون علیحده جاییلرنی اختصاص بیرگن.»
شو بیلن بیرگه، بیلرمانلرنینگ ایشانچی گه کوره، تعلیم حقی بیریلیب و معلوماتلردن خبر بولگن حالده، بوندهی قانونلر تأثیری بولیشی ممکن. عیاللر شرطنامهلریده ذکر بولگن حقوق و دادخواهیلیک یوللردن خبر بولمسهلر، ایش و تینگلیک عدالتی عملگه آشیریلیشی، عملده قیین بولیشی ممکن.
