افغانستان عیاللر سودا و صناعت اتاقی تامانیدن، عیاللر قول صناعتی تانیشتیریلیشی و ساتیلیشی همده اقتصاد سکتوریده اولرنینگ اورنی کوچلنیشی مقصد، کابل ده «عید بازار» اسمی آستیده بیر بازار آچیلگن.
افغانستان عیاللر سودا و صناعت اتاقی مسئوللریدن جاهده هاشمینینگ ایتیشیچه، مذکور بازارده عیاللر قول صناعتی و تولیدلری ۸۰ میزده آلتی کونگچه نمایش گه قوییلگن. «بو کبی ایشلر صناعت تانیشتیریلیشیده جودهیم مهم اورینگه ایگه دیر؛ بیزلر اونی رواجلنتیره آلهمیز و حتا خلقارا کورگزمهلرده امکانیت یرهتیلگنی صورتده، اوز فرهنگیمیزنینگ تانیشتیره آلهمیز.»
مذکور بازارگه محصوللرینی نمایش گه قویگن خاطره نورینینگ ایتیشیچه، عیاللر توارلری ساتیلیشی اوچون مخصوص بازارلر آچیلیشی، اولرنینگ ایشی رواجلنیشیگه امکانیت یرهتهدی. «تشقی محصوللردن فایدهلنهدیگن کیشیلر، کیلیب عیاللر آرقهلی ایشلب چیقریلهدیگن ایچکی تولیدلردن فایدهلنسینلر. عیاللر محصوللری صفتینی آشیریش اوچون سعیوحرکت قیلهدیلر.»
شونینگدیک بو بازار گه شرکت قیلگنلردن ذکیه رضایینینگ ایتیشیچه: «ایشیمگه باشلهگنیمدن ایکی ییل بولهدی و کوپینچه قیینچیلیکلر بیلن هم روپهره بولدیم؛ مالی قیینچیلیگیمیز بار ایدی و بازارتاپیش بولیمیده هم تعلیم کورگنیمیز یوق.»
شرکت قیلگنلردن باشقه بیری اولیا مهربان، عیاللر قول صناعتی ساتیلیشی اوچون بیللی بیر جای یوقلیگینی، ایشلری برابریدهگی جدی قیینچیلیکلردن بیلهدی. «محصوللریمیز کوپ، ساتیلمهیدی و جاییمیز هم یوق. محصوللریمیزنینگ ساتیلیشی اوچون مناسب بیر جای تنظیم بولیشینی ایستهیمیز.»
اوتگن تورت ییلده، عیاللر قول صناعتی ساتیلیشی اوچون کابل و ولایتلردن قطاریده مخصوص بازارلر و کورگزمهلر آچیلگن.
