هرات ولایتیده زعفران ایکیش ایشلری بوییچه مصروف عیاللردن بیرقطاری، بو ایش اولرنینگ اقتصادی گه یخشی تأثیر قویگنینی معلوم قیله‌دیلر.
زعفران ایکیش ایشی بیلن مصروف هرات‌لیک سیما گه کوره، بو ایش اقتصادی قیینچیلیگی حل اېتیلیشی و عایله اعضالری‌نینگ احتیاجلرینی تأمینله‌ی آلیشی گه سبب بولگن. اونینگ ایتیشیچه: «بو ایشنی باشله‌گنیمده، فایده‌سی بارلیگینی سیزدیم؛ کېین اېسه موسسه‌لرنینگ یاردمی بیلن ایشیمنی کېنگه‌یتیردیم؛ حاضر اقتصادی احوالیمیز انچه یخشی و عایله‌نینگ احتیاجلرینی تأمینله‌ی آله‌من.»
بیزلرنینگ فیسبوک صحیفه‌میزگه باش اورینگ!
بیش ییل‌دن بیری زعفران ایکیش بیلن مصروف هرات‌لیک عطایی، زعفران ایکیش او و باشقه عیاللر اوچون دایمی درآمد منبع‌سی بولیشی ممکن دیه ایشانه‌دی. « کوپینچه اۉزگریشلر کېلدی؛ آلتی-ییتّی باله‌سی بولگن عیال، ایش‌سیزلیک بیلن حیات ده‌گی احتیاجلرنی تأمینله‌ی آلمه‌یدی؛ زعفران ایکیش بیلن ایکّی باغ ساتیب آلدیم، یشش اوی آلدیم. اقتصاد ساحه‌سیده قیینچیلیگی‌میز حل بولگن.»
دهقانچیلیک ایشلری بوییچه بیلرمانلردن بیرقطاری، افغانستان‌ده عیاللر اوچون زعفران ایکیش مهم ایشلردن بولگنینی اېته‌دیلر.
هرات‌ده دهقانچیلیک ایشلری بوییچه بیلرمان سعید عظیمی گه کوره: «کوپینچه عیاللر زعفران‌نی پاکتلش، پروسس قیلیش و ساتیش بیلن مصروف؛ قریب ۷۰ فایز ایکیش، پروسس قیلیش و پاکتلش ایشلرنی عیاللر قیله‌دیلر.»
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمانلردن بیرقطاری، افغانستان‌ده بیر دهه‌دن کوپراق‌دن بیری زعفران ایکیش رواجلنگن، نه‌فقط عیاللر اوچون دایمی درآمد منبع‌سی بلکه عیاللرنینگ اقتصادی و اجتماعی نقطه-نظریدن اۉزلرینی اۉزی تأمینلش گه سبب بولگنینی اېته‌دیلر.
هرات بیلیم یورتی‌ده اقتصاد و ایکینچیلیک‌نی رواجلنتیریش استادی عبدالله همت، زعفران ایکیش ساحه‌سیده عیاللر دولت و خلق‌ارا نهادلر تامانیدن قۉللب-قوتلنیب و اولر گه امکانیت یره‌تیب بیریلیشینی اېسته‌یدیلر. اونگه کوره: «دولت ایکینچیلیک ترقیاتی بانکی آتیده بانک آچیب و عیاللر گه قرض پول بیرسه و آلتی-ییتّی ییل‌دن سۉنگ پولینی قیته آلسه، تأثیرچن بولیشی ممکن؛ عیاللر گه زعفران تجارتی‌ده خلق‌ارا کورگزمه‌لرده حصه بیریلیشی کېره‌ک.»
سلام‌وطندار بیلن صحبت اۉتکزگن سرپرست حکومت ایکینچیلیک، سوغاریش و چاروه‌چیلیک وزیرلیگی سۉزلاوچیسی مصباح‌الدین مستعین، زعفران ایکینی اۉتگن ییل گه نسبتن کوپه‌یگنینی معلوم قیله‌دی.
اونینگ کوپه‌یتیریشیچه، افغانستان‌ده تورلی ساحه‌لرده زعفران ایکووچیلرنی قۉللب-قوتله‌گنلر. «۱۴۰۳-ییل‌ده ۳۰ ولایت‌ده توقیز مینگ ۵۰۰ هکتار ییرده زعفران ایکیلگن و اوتگن ییل گه نسبتن که بو مقدار سکیز مینگ ۴۰۰ هکتار ییر اېدی کوپه‌یگن؛ بیز زعفران ایکووچیلر گه، کورگزمه‌لرده حصه قوشیش، پاکتلش و پروسس قیلیش اوچون امکانیت یره‌تیب بیریش و زعفران حقیده آگاهی‌لیک بیریش امکانیتینی یره‌تگن‌میز.»
افغانستان‌ده بیرلشگن ملتلر تشکیلاتی‌نینگ آزیق-آوقت دستوری، ینگی‌لیکده افغانستان‌ده‌گی عیاللرنی زعفران ایکیش بولیمیده حمایت قیلگنلرینی معلوم قیلگن.