انتیبیوتیک، باکتری عفونتلر گه قرشی کورهش اوچون بولگن دارو؛ ساغلیقنی سقلش ایش بیلرمانلرینینگ ایشانچی گه کوره، بو دارونی ناقانونی استعمال قیلیش نهفقط کسلنی دوالش گه یاردم بیرمهیدی، بلکه اوزاق مدت اوچون تنهنی بو دارو برابریده ایکّی برابر کوچلی قیلیشی ممکن.
کابلده عمومی ایچکی متخصص قیس قیومی، سلاموطندار بیلن اۉتکزگن صحبتیده، اۉز باشیمچهلیک بیلن هر قندهی دارو استعمال قیلیش تنه گه زیان یېتکزیشینی اېتهدی. «اۉز باشیمچهلیک شکلده دارو استعمال قیلیش تنه گه زیان یېتکزهدی. انتیبیوتیک کوپ استعمال قیلیش یامان عاقبتلر گه سبب بولیب و بعضی حالتلرده اولیم گه آلیب کېلیشی ممکن.»
انتیبیوتیکنی ناقانونی استعمال قیلیش، اونینگ تأثیری کمهیب و کېلهجکده تنه بو دارو برابریده کوچلی بولیشی ممکن. شونینگدیک، قِیچیش، بوغز آلینیشی، نفس تنگلیک و حتا تنفس توختهشی گه سبب بولیشی ممکن دیېدی، قیس قیومی.
بیزلرنینگ فیسبوک صحیفهمیزگه باش اورینگ!
کابل یشاوچیلریدن امید، سلاموطندار بیلن اۉتکزگن صحبتیده بو دارونی ناقانونی استعمال قیلیش تجربهسی حقیده بوندهی دیېدی: «اېندی دارو استعمال قیلیش بیلن احوالیم یخشی بولمهیدی، اساسی معما شو که دارو استعمال قیلسم تنهم قِیچیدی یا که داغ تاپیلهدی. بعضی وقتلر بو دارو بیلن اصلا احوالیم یخشی بولمهیدی.»
انتیبیوتیک اۉز باشیمچهلیک و شفاکارنینگ مصلحتسیزلیگی بیلن استعمال قیلینسه، میکروبلر بو دارو برابریده مقاومت قیلیشلری ممکن. خلقارا ساغلیقنی سقلش تشکیلاتینینگ معلوماتی اساسیده، بو معما «میکروب گه ضد مقاومت» آتی بار. بو حالتده، انتیبیوتیک میکروبلرنی باشقه یوق اېته آلمهیدی.
بو احوالنینگ خوفلی عاقبتلری گه قرهگنده، امید دن سورهدیم نیگه شفاکارنینگ نسخهسیزلیگی و متخصص کیشی گه مراجعت قیلمسدن، اۉز باشیمچهلیک شکلده دارو استعمال قیلهدی؟
بیزلرنینگ «ایکس» ترماغی ده هم تعقیب قیلینگ!
او، اقتصادی قیینچیلیک باعث بوندهی ایشنی قیلماقدهلیگینی اېتهدی: «شفاکار گه مراجعت قیلمهدیم؛ چونکه شفاکار گه مراجعت قیلسم، پول سورهیدی.»
اقتصادی قیینچیلیکلر گه قۉشیمچه، عموم آگاهیسیزلیگی و شفاکارلرنینگ مصلحتسیزلیگی بیلن دارو استعمال قیلیش، بو معما کېنگهیشیگه سبب بولگنی اېتیلهدی.
میرویس (مستعار اسملی)، کابل شهری داروخانهلریدن بیریده دارو ساتووچی، کوپینچه یشاوچیلر شفاکارلرنینگ مصلحتسیزلیگی بیلن، دارو اینیقسه انتیبیوتیک اوچون مراجعت قیلیشلرینی تصدیقلهیدی.
او، داروخانهلرده مسلکی آدملر یوقلیگینی بو معما اصلی عامللریدن عنوان قیلهدی.
میرویس، افغانستان سرپرست حکومت مسئوللریدن بوتوغریده دقت قیلیب و مسلکسیز کیشیلر تامانیدن دارو ساتیش گه توسیق بولیشنی اېستهیدی.
شیراز (مستعار اسملی)، شفاکارنینگ مصحلتسیزلیگی بیلن انتیبیوتیک استعمال قیلووچیلردن بیری دیر. او کسلی نیمهلیگینی اصلا بیلمهیدی. «بوغزیم یینگیل یا که آغیر آغریشینی و قندهیلیگینی بیلمهی من؛ بیراق اۉزیم انتیبیوتیک آلدیم.»
میرویس گه کوره، بوندهی ایش اهالی اورتهسیده عادی عادت گه اېلنیب قالگن. شو بیلن بیرگه، خلقارا ساغلیقنی سقلش تشکیلاتی، میکروب گه ضد مقاومت خطرلری گه نسبتن هشدار بیرهدی.
خلقارا ساغلیقنی سقلش تشکیلاتینینگ گزارشی اساسیده، میکروب گه ضد مقاومت دنیا مقیاسیده ساغلیق اوچون جدی تهدید حسابلنهدی. بو تهدید افغانستانده کونسهیین کېنگهیماقده.
بو موضوع گه دایر ساغلیقنی سقلش مسئوللرینینگ فکر-ملاحظهسینی اورگهنیش اوچون سعی-حرکت قیلدیک؛ بیراق موفق بولمهدیک.
