گرچی بیر ییلدن کم مدتلی قماق جزاسی آغیر جزا حسابلنمسه-ده، بو تجربهنی باشدن کیچیرگن کوپلب انسانلر اینیقسه عیاللر قوییب یوباریلگچ – اثرلری کېین باشلنهدی؛ اجتماعی موقعینی قولدن بیریش، یقینلری بیلن علاقهسی اوزیلیشی و باشقهلر تامانیدن سابق کبی قرهلمسلیگی بیلن دوچ بولگچ، بیلهدی.
۴۲ یاشر زینب، آلتی ییل اول جمهوریت توزومی دوریده آوسونینی اولدیریش عیبی بیلن قماققه آلینیب و ۱۰ آی او ییرده قالگن، قوییب یوباریلگچ، حیاتی استین-اوستون بولیب او و قرینداشلری آرهسیدهگی علاقه اوزیلیشی گه سبب بولگن. «گناهسیز بیر کون قماققه آلینیشنی هېچ قچان اویلمهگندیم، بیراق عکسینچه آلیندیم. اوشه کوندن بیری حیاتیم توزهلمهدی، دنیا اوستیمگه چپه بولدی.»
بیزلرنینگ فیسبوک صحیفهمیزگه باش اورینگ!
زینب گه کوره، آسونینی اولدیریش گه عیبلنگچ، حیاتی یونهلیشی عذاب-عقوبت گه ایلنیب و یقینلری بیلن مناسبتی کېسیلیشی گه آلیب کېلگن. «آسونیم بیشینچی قووتده دریزهلرنینگ شیشهلرینی تازهلماقده اېدی، ایشیم یوقلیگی اوچون اویده اولتیرگن اېدیم. بیر مرته ییقیلیب توشیش آوازی ایشیتیلدی، یوقاریدن پس گه توشگنینی کوردیم. تیزلیک بیلن کسلخانه گه آلیب باردیک، بیراق او ییرده وفات اېتدی. دنیا غمی اوستیمگه توکیلدی، اما حتا ییغلهگنی قویمهدیلر.»
زینبنینگ کوپهیتیریشیچه، قماققه توشگنیدن سۉنگ حیاتیدهگی همه نرسه اونینگ اوچون باشقه رنگگه اېلنگن؛ بو رنگ آزادلیککه چیققنیدن کېین هم اۉزگرمهگن و اونینگ حیاتیدن قرانغولیک اریمهگن. اونگه کوره، آزاد بولگنیدن کېین هم قرینداشلری آرهسیده قبول قیلینمهگن. «مین قماقدن کوپلب جنجل و محکمه ایشلریدن سۉنگ چیقدیم، فقط بیتته سۉز حیاتیمنی ییرگه اوردی. قۉشنیلر گپلشهدیلر، قرینداشلر آرتیمدن گپیریشهدی. حتا اکم و سینگلیم، اۉز قانی بیلن باغلیق بولسه-ده میندن اوزاقلشدیلر، هر کیم آرتیمدن گپیرگنی اوچون هېچ کیم قووانچ و قیغو مراسملریگه بیزنی تکلیف قیلمسدیلر.»
بیزلرنینگ «ایکس» ترماغی ده هم تعقیب قیلینگ!
قماق تجربهسی، فقط زینبنی آلدینگی حیاتیدن اجرهتیب قویمهگن؛ بلکه اونینگ سایهسی اویی گه و فرزندلریگه هم چوزیلگن. قیزلری، واقعهنینگ بیر قسمی بولمسهلر-ده، آغیر قرهشلر و قضاوتلر آستیده ایزیلب قالیشگن. «مینده ایککی قیز بار، اولردن بیری اونشتیریلگن اېدی. نامزدی سین قاتل قیزی سنگ بیز سینی قبول قیلمهیمیز دیېدی. شوندهی توی ریجهلری بیکار قیلیندی، کېلهجگی بوزیلدی.»
زینیب، قضاوتلر و یامان قرهشلر طفیلی، بوندن اوچ ییل اول ایری و فرزندلری بیلن بیرگه افغانستاننی ایران مقصدیگه ترک اېتیش گه مجبور بولگن. زینب قضاوتلر و یشاوچیلرنینگ یامان قرهش آغیرلیگینی کمهیتیریش اوچون قنچه سعی-حرکت قیلمهسین؛ بیراق غربتده هم تینچ اېمس؛ جبری شکلده چیقریلیب قضاوتلر و قرهشلر حیاتی گه سایه تشلهگن یورت گه قیتیشی دایم میهسیگه ایلنهدی.
آدملرنینگ قضاوتلری و اولرنینگ قرهشلری بیلن یوزلشیش اونینگ کوندوزلری و کیچهلرینینگ آسایشتهلیگینی بوزگن؛ بو ایلگری قماقده بولگن کوپلب عیاللرنینگ قۉشمه تجربهسی دیر.
