کتتهلر بالهلیگیده اوخلمهی من دیب خرخشه (سر و صدا) قیلگنلرینی ایسلب کویلیشهدی و ایندی هیچ کیم ایش کونینینگ اورتهسیده اولرگه میزغیب آلیشلرینی تکلیف قیلمسلیگیدن افسوسلنهدی. بیراق، کون چیقر مملکت جاپان اهالیسینینگ مدنیتیده ایش جاییده کوندوزگی اوخلب آلیش عادتی موجود. یا کی لاتین امریکاسی و جنوبی اروپا اهالیسینی آلهیلیک – اولر عادتده کوندهلیک مشغولاتلردن واز کیچیب، توشدن کیین اوخلب آلیشگه باریشهدی. خوش، کوندوزگی اویقونینگ قندهی فایدهلری و ضررلری بار؟
تونگی اویقودن کیین کوندوزگی هم اوخلشنی خواهلش. بو نیمهنی انگلتهدی؟
استرس تدقیقاتلری انستیتوتی شفاکارلری کوندوزگی اویقوگه بولگن احتیاج مصؤنیت تیزیمینینگ ناتوغری ایشلشینینگ بیلگیسی بولیشی ممکنلیگینی ایتهدیلر. تنهدهگی یلیغلنیش ایندکارین تیزیم کسللیکلری، عصب تیزیمینینگ کسللیکلری، قان باسیمینینگ کوتریلیشی، آرتیقچه وزن و حتا توشکونلیک (افسرده) اویقوچنلیککه آلیب کیلهدی.
کوندوزگی ساعتلرده اوخلش کیکسه آدملرده میه خستهلیگی خوفینی ۲-۴ برابر آرتیشیگه آلیب کیلهدی. قندلی دیابت گه چلینگنلر اوچون هم کوندوزگی اویقو توصیه ایتیلمهیدی، چونکی هورمونلر کیسکین کوتریلیشیگه و قانده شکر مقدارینینگ کوپهیشیگه آلیب کیلهدی.
خوش، کون دوامیده قیسقه اوخلش فایدهلی، اما اوزاق اوخلش ضررلیمی؟
امریکالیک عالملر تامانیدن آلیب باریلگن تدقیقاتلر گه کوره، کون دوامیده قیسقه ۱۰-۳۰ دقیقه اویقو آدملر اوچون خاطرهنی یخشیلش، دقتنی جمعلش، کیفیتنی کوتریش، شونینگدیک، کوننینگ بیرینچی یرمیده توپلنگن چرچاقدن خلاص بولیشده یاردم بیرهدی. بیراق، کون دوامیده جوده اوزاق وقت اوخلش (بیر ساعتدن آرتیق) ساغلیق اوچون سلبی عاقبتلر گه آلیب کیلهدی. عالملر بونی دیابت، یورهک خستهلیگی و توشکونلیک خوفی آرتیشی بیلن باغلشهدی.
شونینگدیک، ساعت ۴:۰۰ دن کیین اوخلش توصیه ایتیلمهیدی. بو وقتده تنهده ملاتونین ایشلب چیقریلهدی – اویغانیش قیینلشهدی، اویقوچنلیک و چرچاق حسی تاپیلهدی.
کوندوزگی اویقو اوچون اینگ یخشی وقت
انرژی درجهسی عادتده توشدن کیین کیسکین پسیهدی، بو ایسه میزغیب آلیش اوچون قولهی وقت گه ایلنهدی. ساعت ۲:۰۰ دن ۴:۰۰ گچه اوخلب آلینسه، اویقونینگ ثمرهدارلیگی یوقاری بولهدی. تدقیقاتلر شونی کورستهدی کی، کیچکی اویقو کوپراق اویقو اوزگریشیگه آلیب کیلهدی، بو ایسه توشدن کیین اوزینگیزنی ضعیف حس قیلیشینگیز گه سبب بولهدی.
کوندوزگی اویقودن کیین نیمه قیلیش کیرهک؟
اگر سیز اویقودن کیین ییترلی درجهده دم آلمهگن حالده اویغانگن بولسنگیز، قوییدهگی اصوللر تیتیکلشیشینگیز گه یاردم بیرهدی.
- یوزینگیزنی ساووق سوو بیلن یووینگ. وقتینگیز بولسه، دوش قبول قیلینگ.
- میتابولیزمنی تیزلشتیریش و الکترولیت آقیمینی آشیریش اوچون بیر گیلاس سوو ایچینگ. چقور اویقو گه کیتگهنینگیزده میتابولیزم سیکینلشهدی. ایچیملیک سووی تنهنگیز گه اویغانیش وقتی کیلگنلیگی حقیده سینگال بیرهدی.
- یینگیل آسان هضم بولهدیگن انرژی گه بای نرسهلرنی استعمال قیلینگ: میوهلر و یانغاقلر بوندن ایدهآل ورینت دیر.
- اویقودن کیین یینگیل مشقلر قیلینگ.
- تازه هواده قیسقه مدتلی سیر قیلیش انچه یاردم بیرهدی.
