اسرائیلنینگ قریب ایکی ییللیک غزه گه قرشی اوروشی نتیجهسیده، ۶۲ مینگدن آرتیق فلسطینلیک قربان بولگن. مذکور اوروش تینیمسیز بمباردمان، بوتونلی محاصره و آچرچیلیک بیلن بیرگه، غزه اهالیسی اوچون هیچ قندهی خوفلی جاینی قویمهگن.
الجزیرهنینگ بوگون (۲۸-اسد، سهشنبه)، گزارش بیریشیچه، اسرائیل غزه شهریگه اوز هجوملرینی کوچهیتیرگن و بو شهرنی نظارتیگه آلیب و اونلب فلسطینلیکنی باشقه بولیملرگه انتقال بیرماقچین.
بیزلرنینگ «ایکس» ترماغی ده هم تعقیب قیلینگ!
دوشنبه کونی بامداد چاغیدن حاضرگچه، غزه بویلب کمیده ۳۰ فلسطینلیک قربان بولگن که اولردن ۱۴ تهسی یاردم قولگه کیلتیریش اوچون سعیوحرکت قیلیش پیتیده، اوققه توتیلگنلر.
شونینگدیک یکشنبه کونی هم اسرائیل هوا هجوملری بیلن غزه شهرینی نشان گه آلگن که نتیجهده، ۶۰ کیشی قربان بولگن. شوندهی بیرحالده، قالگن بیر نیچه ساغلیق مرکز هم نشان گه آلینگن.
بیزلرنینگ فیسبوک صحیفهمیزگه باش اورینگ!
فلسطین ساغلیقنی سقلش وزیرلیگینینگ اعلام قیلیشیچه، یالغیز سونگی ۲۴ ساعتده ایکی باله شامل ۵ فلسطینلیک توییب آوقتلنمسلیک طفیلی وفات قیلگن. رسمی رقملر گه کوره، ۱۸-اگستدن حاضرگچه، ۱۱۲ باله شامل غزه اهالیسیدن کمیده ۲۶۳ تهسی، آچلیک طفیلی وفات قیلگن.
