چین تشقی ایشلر وزیری وانگ یی، اسلام امیرلیگی تشقی ایشلر وزیرلیگی سرپرستی امیرخان متقی بیلن ملاقاتیده، پکن افغانستاندهگی سیاسی و اقتصادی قۉللب-قوتلاویگه دوام اېتّیریشینی بیلدیرگن.
سرپرست حکومت تشقی ایشلر وزیرلیگینینگ بیانیهسی اساسیده، ایکّی تامان بوگون (۳۱-ثور، چهارشنبه) پکنده اوچرهشیب، افغانستان و چین اورتهسیدهگی مناسبتلر مستحکملنیشی و اقتصادی همکارلیکلر کېنگهیشی حقیده بحث اېتگنلر.
بیزلرنینگ فیسبوک صحیفهمیزگه باش اورینگ!
بو اوچرهشووده، چین تشقی ایشلر وزیری، مملکتی افغانستان سودا توارلری اینیقسه ایکینچیلیک محصولات صادر اېتیلیشی خصوصیدهگی قیینچیلیکلرنی حل قیلیش اوچون سعی-حرکت قیلیشیدن ایشانچ بیلدیرگن. اونینگ کوپهیتیریشیچه، چین یخشی قۉشنی اولهراق افغانستاننینگ اقتصادی ترقیاتی اوچون هر قندهی همکارلیک قیلیش گه تیار دیر.
امیرخان متقی، افغانستان و چین اورتهسیدهگی سودا آلیش-بیریش حجمی آشیریلیب و افغان سوداگرلری برابریدهگی معمالر حل اېتیلیشی گه امید بیلدیرگن.
بیانیهده کېلیشیچه، اسلام امیرلیگی تشقی ایشلر وزیری، اقتصادی همکارلیکنی کېنگهیتیریش، خصوصن ترانزیت، بانک علاقهلری و سودا موازنتی ساحهلریده عملی تکلیفلرنی تقدیم اېتگن. شونینگدیک، او اقتصادی همکارلیکنی مستحکملش و تخنیک کوریب چیقیشلر اوچون حکومتلر ارا قۉشمه کمیسیونلر فعالیتینی یولگه قوییشنی سورهگن.
بیزلرنینگ «ایکس» ترماغی ده هم تعقیب قیلینگ!
متقی ېنه بیر مرته، افغانستان توپراغیدن هېچ بیر قۉشنی مملکتلر گه قرشی فایدهلنمسلیگیدن ایشانچ بیلدیرگن.
چین، حاضرگه قدر سرپرست حکومتنی تن آلگن بولمسهده؛ بیراق کابل بیلن یقیندن سیاسی و اقتصادی همکارلیک قیلیب کېلماقده.
امیرخان متقی، قویاش ۱۴۰۴-ییل، ۳۰-ثور، بیر هیئت باشچیلیگیده چین، پاکستان و افغانستان تشقی ایشلر وزیرلرینینگ اوچ تامانلمه ییغیلیشیده اشتراک اېتیش اوچون پکن باردی.
