کابل شهری سرای شمالی‌ده کیم‌لیک توزیع قیلیش مرکزی گه مراجعت قیلگنلردن بیرقطاری نینگ ایتیشلریچه، الکترونیکی کیم‌لیک‌لرینی اصلاح قیلیش و ینگی‌لشتیریش اوچون، اوشبو مرکز نینگ ایشی سُست‌لیگی طفیلی هفته‌لر و آی‌لر کوتیش گه مجبورلر بولگنلر.
اولر گه کوره، بو مرکز ده درخواستی‌لرینی کوریب چیقیش مدتی چوزیلیشی طفیلی مینگلب افغانی خرچ‌لری کوپه‌یشی گه سبب بولگن.
الکترونیکی کیم‌لیک آلیش اوچون کابل گه کیلگن قندوز و قندهار یشاوچیلریدن فیض‌محمد و سیف‌علی نینگ ایتیشلریچه، درخواستی بیرگنلریدن ۱۰ کون اۉتگن بولسه ده، بیراق حاضرگچه درخواستی‌لری کوریب چیقیلمه‌گن.
بیزلرنینگ فیسبوک صحیفه‌میزگه باش اورینگ!
فیض‌محمد نینگ کوپه‌یتیریشیچه: «کیلگنیمدن ۱۰ کون اۉتماقده؛ لېکن حاضرگچه ایشلریم یکونلنمه‌گن؛ حاضرگچه ۱۰ مینگ افغانی مصرف بولدی؛ کېکسه من گوجوم‌لیک طفیلی ایاق آستی گه قالدیم. سابق کیم‌لیک‌لریمیز بمباردمان‌لرده بوزیلدی؛ اونی بیکار قیلیش گه کیلگن‌میز.»
سیف‌علی گه کوره: «ایش‌لریمیزنی تال بیریشه‌دی؛ خادم‌لر سانی کوپه‌یتیریلیشی کېره‌ک. بیزنی ولایت‌دن بو ییرگه یوباردیلر؛ پولیمیز ناحق مصرف بوله‌دی.»
اوشبو مرکز گه مراجعت قیلگنلردن باشقه بیری انارگل و مهدیه، مرکز ده‌گی گوجوم‌لیک و درخواستی‌لری کوریب چیقیلیش اوچون اونچه‌لیک اعتبار قره‌تیلمسلیگیدن نالیدیلر.
بیزلرنینگ «ایکس» ترماغی ده هم تعقیب قیلینگ!
انارگل نینگ ایتیشیچه: «ننگرهاردن کیلگنیمدن بیر آی اۉتماقده؛ کیم‌لیکده قیزیم نینگ یاشی بلند یازیلگن؛ رمضان آیی شو ییرده اۉتماقده؛ اخیر هم راپورنی ناتوغری ثبت قیلیشدیلر؛ مینگلب افغانی خرچ بولدی.»
مهدیه نینگ کوپه‌یتیریشیچه: «مراجعت‌چیلر کوپ؛ جوده هم کوپ دیر. خادم‌لر سانی کوپه‌یتیریلیشی درکار.»
کابل سرای شمالی‌ده کیم‌لیک توزیع قیلیش مرکزی گه مراجعت قیلگنلردن بیرقطاری، ولایت‌لرده توزیع دن کیېن خذمت مرکزلری آچیلیشینی اېسته‌یدیلر.
احصائیه و معلومات اداره‌سی توزیع و الکترونیکی کیم‌لیک نی اصلاح قیلیش مرکزلرده خادم‌لر سانی آزلیگینی تصدیقلب ایتیشیچه، بو اداره مذکور مرکز نینگ تشکیلاتی کوپه‌یتیریلیش تکلیفینی یوقاری مرتبه‌لی عملدارلر گه اۉزه‌تگن.
احصائیه و معلومات اداره‌سی نینگ معلوماتی اساسیده، قویاش ۱۴۰۲ ییل‌ده، افغانستان بویلب ۷۶ الکترونیکی کیم‌لیک توزیع قیلیش مرکزلر آرقه‌لی اوچ میلیون ۱۲۴ مینگ الکترونیکی کیم‌لیک توزیع قیلینگن.
