جوزجان معارف ریاستی مسئوللری، اوشبو ولایت مرکزی شبرغان شهری بیلن بیر قطار تومنلرده ۱۹ مکتب نینگ قیته قوریلیش ایشی باشلنگنیدن خبر بیرگنلر.
جوزجان معارف باشلیغی سید‌حفیظ‌الله معتصم‌بالله نینگ ایتیشیچه، مذکور مکتبلر نینگ قیته قوریلیش ایشی ۸ میلیون افغانی خره‌جت کوتاریب و اسلام امیرلیگی معارف وزیرلیگی تامانیدن توله‌نیله‌دی.
بیزلرنینگ «ایکس» ترماغی ده هم تعقیب قیلینگ!
جناب معتصم‌بالله نینگ کوپه‌یتیریشیچه، اوشبو مکتبلر نینگ قیته قوریلیش ایشی یکونلنیشی بیلن کوپینچه اوقووچی گه تعلیم زمینه‌سی یره‌تیله‌دی.
شونده‌ی بیرحالده، جوزجان یشاوچیلریدن قطاری اوشبو ولایت معارف ریاستی اقدامیدن خورسند‌لیک قیلیب و ایتیشلریچه، قیشلاقلر و اوزاق منطقه‌لرده جایلشگن مکتبلر نینگ درسی صنفلری بوزوقلیگی سبب، باله‌لری نینگ درس اوقیش خصوصیده قیزیقیشی کمه‌یگن ایکن که، مذکور مکتبلر نینگ قیته قوریلیشی بیلن بو قیین‌چیلیک حل بولگن.
بیزلرنینگ فیسبوک صحیفه‌میزگه باش اورینگ!
مملکت ولایتلری اینیقسه اوزاق تومنلرده مکتب یوق‌لیگی و تعلیم امکانیت‌سیزلیگی، افغانستان معارف سکتوری نینگ اساسی قیینچیلیک‌لریدن سنه‌لیب و سونگی ییللرده کوپینچه یشاوچیلر و خلق‌ارا یاردم بیرووچی نهادلر، تورلی ولایتلرده مکتبلر نینگ قیته قوریش بیلن معارف وزیرلیگی یانیده بو معمانی کم‌رنگ قیلیش گه سعی-حرکت قیلگنلر.
