عیاللر ایشی برابریده چیکلاولر یره‌تیلگنی‌دن کیین، درآمد منبع‌لرینی قولدن بیرگن سرپرست‌سیز عیاللردن قطاری نینگ ایتیشلریچه، حاضر اهالی اویلریده تمیزلیک قیلیش گه یوز کیلتیرگنلر.
جمهوریت توزومی‌ده ایش و اجتماعی ایشلر وزیرلیگی‌ده ایشله‌گن نسرین گه کوره، باله‌لری نینگ نیازلرینی تامین‌لش مقصد، اهالی اویلریده ایشلش گه یوز کیلتیرگن. «اهالی اویلریده ایشلش گه مجبور‌مین؛ باله‌لریم توغریسیده مسئولیتیم بار، اوشه اوچون باشقه یولیم یوق.»
بیزلرنینگ «ایکس» ترماغی ده هم تعقیب قیلینگ!
تورت باله نینگ آنه‌سی و حاضر کابل ده کرایی بیر اوی‌ده حیات کیچیره‌دیگن نسرین نینگ ایتیشیچه، تمیزلیک یولی‌دن قولگه کیلتیره‌دیگن درآمد بیلن کوپ قیین شکلده حیات قیین‌چیلیکلرینی حل قیله آله‌دی.
اونینگ کوپه‌یتیریشیچه، حیات قیین‌چیلیکلری اونی روحی کسل‌لیکلر گه روپه‌ره قیلیب و شونینگدیک باله‌لری روحی‌گه سلبی تاثیر قویگن. «تورت ییتیم باله‌م بار؛ ایکی قیزیم تعلیم‌دن محروم قالگن؛ بیر ته‌سی توقیزینچی صنف و باشقه بیر ته‌سی اونینچی صنف اوقووچیسی ایدی. بیر اوغلیم بیش یاشر و باشقه‌سی ایسه توقیز یاشر دیر.»
ایش‌سیزلیک، امید‌سیزلیک و اونینگ عیاللر روحی گه تاثیری
روان‌شناسلردن سیدعصمت هاشمی نینگ ایتیشیچه، سونگی اوچ ییل‌ده دوالنیش مرکزی گه مراجعت قیلگنلردن کوپینچه‌سینی، روحی کسل‌لیکلردن اذیت چیکه‌دیگن عیاللر و قیزلر تشکیل بیرگن. اونینگ کوپه‌یتیریشیچه: «اولر نینگ اساسی قیین‌‌چیلیگی روحی باسیم‌لر دیر. عیاللر و قیزلر تورلی‌خیل قیین‌چیلیکلر گه چلینگنلر. افسرده‌لیک، امید‌سیزلیک و تشویش بو کسل‌لیک نینگ اینگ مشهورلریدن دیر.»
مذکور روان‌شناس نینگ کوپه‌یتیریشیچه، عیاللر افغانستان کیله‌جگی نسلی تربیه‌لنیشی‌ده کوپ اونملی رولی بار و انه شوو سبب روحی باسیم‌لر نینگ اولر گه کوپه‌یگنی، باله‌لری رفتاری گه هم سلبی تاثیر قوییشی ممکن.
بیزلرنینگ فیسبوک صحیفه‌میزگه باش اورینگ!
اوروش ییل‌لری، ناتینچ‌لیک و اقتصادی قیین‌چیلیکلر نه فقط عیاللر، بلکیم جمعیت‌ده‌گی برچه کیشی نینگ روحی گه قیتریب بولمه‌یدیگن تاثیرلرنی ییتکزگن.
ینگی‌لیکده خلق‌ارا ساغلیق‌نی سقلش تشکیلاتی افغانستان ده روحی قیین‌چیلیکلر کوپه‌یگنی‌دن خواطر بیلدیریب و ایتیشیچه، اوشبو ممکت جمعیتی‌دن ۵۰ فایزی روحی قیین‌چیلیکلر بیلن روپه‌ره دیر که بو وضعیت‌ده عیاللر کمراق درمانی مرکزلردن فایده‌لنه آله‌دی.
