میدان‌وردک تومن‌لریدن قطاری و میدان‌شهر یشاوچیلری، اوتگن اوروش‌لر جریانیدن پارتلمه‌ی قالگن ماده‌لر و ماین‌لر بارلیگیدن شکایت قیلیب ایتیشلریچه، مذکور ماده‌لر پارتلشی، دایم اوشبو ولایت یشاوچیلری اینیقسه باله‌لردن قربانلیک آلگن.
اولر اسلام امیر‌لیگی و ماین‌تازه‌لش موسسه‌لردن اوشبو منطقه‌لر نینگ پارتلمه‌ی قالگن ماده‌لر و ماین‌لردن تازه‌لشنی ایسته‌یدیلر.
بیزلرنینگ فیسبوک صحیفه‌میزگه باش اورینگ!
میدان‌وردک یشاوچیسی عبدالصمد نینگ ایتیشیچه: «میدان‌وردک‌ده پارتلمه‌ی قالگن ماین‌لر و ماده‌لر جوده‌یم کوپ دیر و اوتگن ۴۰ ییل ده بو منطقه‌لرده اوروش بولگن.»
شونینگدیک، میدان‌وردک یشاوچیلریدن باشقه بیری محمد‌امین نینگ ایتیشیچه، مذکور ولایت پارتلمه‌ی قالگن ماین‌لردن تازه‌لنگن تقدیرده، یشاوچیلر تینچ بیر شکلده حیات کیچیریش‌لری ممکن. «اوشبو تاغ‌لرده پارتلمه‌ی قالگن ماده‌لر بار. حکومت و موسسه‌لردن تاغ‌لر نینگ تازه‌لشنی ایسته‌یمیز.»
شونینگدیک دایمیرداد تومنی یشاوچیسی سردارمحمد کوچی نینگ ایتیشیچه، سونگی ییل‌لرده اوروش‌لر گه شاهد بولگن منطقه‌لر و قتناو یول‌لردن قطاری‌ده، پارتلمه‌ی قالگن ماین و ماده‌لر موجود دیر. اونینگ کوپه‌یتیریشیچه، کوپینچه پیت، کوچی‌لر و چاروه‌دارلر بیر منطقه‌دن باشقه منطقه گه بارگنده، پارتلمه‌ی قالگن ماده‌لر و ماین‌لر قربانی بوله‌دیلر.
سردارمحمد گه کور، حکومت و ماین‌تازه‌لش موسسه‌لر بو توغریده میدان‌وردک یشاوچیلری، باله‌لر و کوچی‌لر گه معلومات بیریش‌لری کیره‌ک. «دایمیرداد تومنی نینگ کجاب/ کج‌آب منطقه‌سیده پارتلمه‌ی قالگن ماین‌لر کوپ دیر و حاضرگچه تازه‌لنمه‌گن. جمهوریت توزومی ده کج‌آب منطقه‌سی خوفسیزلیک پوسته‌لری محلی ایکن که، برچه‌سیده ماین‌لر بار.»
باشقه بیر تاماندن، میدان‌وردک حاکمی بختیار معاذ اوشبو موضوع نی تصدیق‌لب ایتیشیچه، مذکور ولایت یشاوچیلریدن قطاری، پارتلمه‌ی قالگن ماین‌لر پارتلشی عاقبتیده قربان بولگنلر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «میدان‌وردک و باشقه ولایت‌لرده پارتلمه‌ی قالگن ماده‌لر نینگ تازه‌لنیشی اوچون ماین تازه‌لش موسسه‌لری بیلن صحبت قیلیش خصوصیده سعی و حرکت قیلماقده‌میز.»
شونده‌ی بیرحالده، میدان‌وردک محلی مسئوللری گه کوره، سونگی آی‌لرده دایمیرداد و سید‌آباد تومن‌لریده پارتلمه‌ی قالگن ماده‌لر و ماین‌لر پارتلشی نتیجه‌سیده، بیر باله اولیب و تورت کیشی ایسه یره‌لنگن.
