اۉزبېکستان میلادی ۲۰۲۶-ییلده هم افغانستان گه برق یېتکزیب بیریشنی دوام ایتیرهدی. بو حقده اوشبو مملکت برق وزیرلیگی مطبوعات خذمتی خبر قیلدی.
معلومات گه کوره، بو شرطنامه ۲۶-عقرب/۱۷-نومبر، دوشنبه کونی اۉزبېکستان دولت کمپنیهسی باشلیغی جهانگیر عبید جانوف و افغانستاننینگ برق یېتکزیب بیریش کمپنیه باشلیغی عبدالباری عمر تامانیدن امضالنگن.
شو بیلن بیرگه بو اوچرهشووده عمری جنابلری، افغانستانده قوریلهیاتگن یوقاری کوچلنیشلی برق اوزهتیش لینلری و ولتاژلرنینگ جاری حالتینی همده اوشبو ایشلرنی جدیلشتیریش مسئلهلری حقیده بحث ایتگن.
آگست آییده اۉزبېکستان و برشنا شرکتی اوشبو لایحهلرنی حمایه قیلیش اوچون مالی کیلیشوو امضالهگنلر. بو لایحهلر کېلهسی ۱۸ آی ایچیده توگهب و افغانستان اۉزبېکستاندن ۸۰۰ دن ۱۰۰۰ میگاوات برق وارد قیلیشی کوتیلهدی.
افغانستاننینگ برق بولیمی، اوتگن اوروشلر طفیلی دایمی قیینچیلیک و سرمایه یېتیشمسلیک بیلن دوچ بولیب کیلگن.
افغانستاننینگ ۷۰ فایزدن آرتیق برقی، قۉشنی مملکتلر جملهدن اۉزبېکستان، تورکمنستان، تاجیکستان و ایران تامانیدن تأمینلنماقده.
