امریکا قوشمه ایالتلریده اوتکزیلگن «غزه تینچلیک کینگشی» ییغیلیشیده، اوزبیکستان جمهور باشلیغی شوکت میرضیایف، بو مملکت غزهنی قیته قوریش گه حصه قوشیشینی بیلدیرگن.
اوزبیکستان جمهور باشلیغی، ۳۰ دلو/۱۹ فبروری، پنجشنبه کونی امریکاده اوتکزیلگن غزه تینچلیک کینگشی ییغیلیشیدهگی نطقیده، غزه اقتصادی و اجتماعی قیته قوریلیشی اوچون خلقارا همکارلیکلر اهمیتیگه تأکیدلب، بو مملکت غزهده یشش بنالر، بالهلر باغچهسی، مدرسه و کسلخانهلرنی قوریشده اشتراک ایتیشینی ایتگن.
میرضیایف جنابلری، امریکا جمهور باشلیغی دونالد ترامپدن واشنگتن شهریده غزه تینچلیک کینگشی بیرینچی ییغیلیشینینگ اوتکزگنی اوچون منتدارلیک بیلدیریب، بو تشبث ترامپنینگ سیاسی ارادهسی نتیجهسی ایکنینی تأکیدلهگن.
اوزبیکستان جمهور باشلیغی، اوشبو مملکت تینچلیک تشبثی صفتیده بهالنگن تینچلیک کینگشینینگ تشکیل ایتیلیشینی قوللب-قوتلشینی ایتیب، مملکتی اوشبو توزیلمهنینگ موفقیتلی فعالیت یوریتیشی اوچون حصه قوشیشگه تیار ایکنینی ایتگن.
غزه تینچلیک کینگشی بیرینچی ییغیلیشی، اوتگن کون امریکاده دنیا مقیاسیده مملکتلر عملدارلرینینگ اشتراکی بیلن اوتکزیلدی.
