اۉزبېکستان و افغانستان مملکتده توقیمهچیلیک (نساجی) صناعتینی تیکلش بوییچه قۉشمه دستورینی عملگه آشیریشنی باشلهگن.
اۉزبېکستان یېتکرمهلرینینگ معلوماتیگه کوره، اۉزبېکستانده فعالیتینی توختهتگن یریم توقیمهچیلیک کارخانهلرنینگ ایشلب چیقریش قووتلرینی افغانستان گه کوچیریش امکانیتی کوریب چیقیلماقده.
بو شرطنامه اۉزبېکستان سودا-صناعت اتاقی و افغانستاننینگ دولت کارخانهسی (افغان نساجی شرکتی) اورتهسیده امضالنگن.
معلوماتلر گه کوره، اکتوبر آییده اۉزبېکستان متخصصلر هیئتی پروان، قندهار، بلخ و بغلان ولایتلریدهگی فابریکهلر شونینگدیک کابل دهگی تیکووچیلیکنی تخنیکی تېکشیرگنلر.
اۉزبېکستان هیئتی اوشبو تشریفی دایرهسیده، اوسکونهلر و آست قورمهلرنینگ حاضرگی حالتینی یقیندن کوزهتگن. ییغیلگن تخنیک-اقتصادی معلوماتلردن کېین فابریکهلرنی تیکلش و ایشگه توشیریش گه قرار قیلینگن.
مذکور تشبث ینگی ایش اورینلرینی یرهتیش و ایکی تامانلمه اقتصادی علاقهلرنی مستحکملش گه یاردم بیریشی کوتیلهدی. بو تشبث اۉزبېکستان و افغانستان اورتهسیدهگی همکارلیکنی چقورلشتیریش یولیدهگی کېنگراق جریانلرنینگ بیر قسمی بولیب، بو یقین وقت ایچیده کابلده ایکی مملکت کمپنیهلری تامانیدن تشکیل اېتیلگن قۉشمه لوجستیک کارخانهسی تامانیدن تصدیقلنیشی ممکن.
