اوزبیکستان جمهور باشلیغی شوکت میرضیایف، چین تشقی ایشلر وزیری وانگ یی بیلن اوچرهشیب، منطقهای مسئلهلر اینیقسه افغانستان توغریسیده صحبت قیلگنلر.
اوزبیکستان جمهورلیک ریاستی ادارهسی، جمعه کونی، ۳۰-عقرب، بیر بیانیه آرقهلی یازیشیچه، اوزبیکستان و چین افغانستان ایشلری بوییچه نیچه تامانلمه و سیاسی یقین همکارلیککه تاکید قیلگنلر.
بیانیه اساسیده، افغانستان ده اقتصادی و اجتماعی تیکلهنیش، خوفسیزلیکنی مستحکملش، تعلیم و بیلیم یورتلرنی رواجلنتیریش، قشاقلیکنی کمهیتیریش و سیاحتچیلیکنی رواجلنتیریش، اوچرهشوودهگی اساسی موضوعلردن بولگن.
اسلام امیرلیگینینگ قدرت گه ایریشگنیدن سونگ اوزبیکستان و چین، منطقهای ثبات گه اعتبار قرهتیش همده اقتصادی و انسانی همکارلیکلر آرقهلی، افغانستان بیلن اوز مناسبتلرینی سقلهگنلر. ایکی مملکت اوچرهشوو و یقین هماهنگلیک بیلن، افغانستاننینگ اجتماعی، قیته قوریش و امنیتی ترقیاتی توغریسیده همکارلیکلر یولینی آچیش و منطقهده تینچلیک و آسایشتهلیک رواجلنیشی اوچون موجود امکانیتلردن فایدهلنیلیشیده سعیوحرکت قیلگن.
