بلخ ده محلی منبع‌لر نینگ سلام‌وطندار گه ایتیش‌لریچه، بوگون ایرتنگ چاغی ساعت ۷:۱۵ ده، اوشبو ولایت مرکزی مزارشریف شهری اطرافیده کوچلی بیر پارتلش یوز بیرگن.
منبع‌لر گه کوره، مذکور واقعه‌ده «۵۸۰» تیپلی یولاووچی تاشوچی بیر موتر مزارشریف شهری نینگ سید‌آباد تورت یولی‌ده ماین پارتلشی گه دوچ کیلگن.
بیزلرنینگ فیسبوک صحیفه‌میزگه باش اورینگ!
منبع‌لر نینگ کوپه‌یتیریش‌لریچه، نفتی ماده‌لر اداره ایشلاوچیلری سید‌آباد منطقه‌سیده موتر گه مینه‌دیگن چاغده، اوشبو پارتلش یوز بیرگن.
بلخ نفتی ماده‌لر اداره‌سی حیرتان بندری نینگ شهرچه‌سیده جایلشگن که، اونینگ ایشلاوچیلری «۵۸۰» تیپلی یولاووچی تاشوچی بیر موتر آرقه‌لی شهر نینگ مرکزی‌دن حیرتان بندری شهرچه‌سی گه انتقال تاپه‌ر ایکن‌لر.
عین حالده، مزارشریف نینگ ابوعلی سینای بلخی کسل‌خانه‌سیده‌گی مسئوللری نینگ ایتیش‌لریچه، بوگون ایرتنگ چاغی مزارشریف شهری نینگ اوچینچی حوزه اطرافیده یوز بیرگن پارتلش نتیجه‌سیده سکیز جسد بیلن اون یره‌دار اوشبو کسل‌خانه گه انتقال تاپگن. بیراق رسمی بولمه‌گن منبع‌لر اوشبو پارتلش تلفاتی نی کوپراق دیگنلر.
باشقه بیر تامان‌دن، بلخ امنیه قوماندانلیگی سوزلاوچیسی اوشبو پارتلش نی تصدیق‌لب سلام‌وطندار گه ایتیشیچه، پارتلش مزارشریف شهری نینگ اوچینچی ناحیه‌سیده جایلشگن سید‌آباد منطقه‌سیده یوز بیرگن.
بیزلرنینگ توییترده هم تعقیب قیلینگ!
بلخ امنیه قوماندانلیگی سوزلاوچیسی نینگ کوپه‌یتیریشیچه، اوشبو پارتلش نتیجه‌سیده ۷ کیشی هلاک و ۶ کیشی یره‌لنگن.
اونگه کوره، اولگن و یره‌لنگن کیشی‌لردن برچه‌سی حیرتان بندری نینگ ایشلاوچیسی دیر. جناب وزیری نینگ ایتیشیچه، پارتلش حیرتان بندری نفتی ماده‌لر ایشلاوچیلری نینگ مینه‌دیگن موتری‌ده جایلشگن ماین سبب، یوز بیرگن.
حاضرگچه اوشبو پارتلش مسئولیتی نی بیرار گروه یا-ده شخص بوینیگه آلمه‌گن.
