بیرلشگن ملت‌لر تشکیلاتی نینگ باله‌لردن حمایت قیلووچی صندیغی یا-ده یونیسف نینگ اوتگن کون باشلنگن طلبی اساسیده، افغانستان نیازمند مملکت‌لر آره‌سیده بیرینچی اورین‌ده قرار تاپگن و مذکور مملکت‌ده‌گی باله‌لر گه یاردم بیریلیشی اوچون، ۱.۶۵ میلیار دالر گه نیاز دیر.
یونیسف نینگ اجرایی مدیری کاترین راسل توییتر صحیفه‌سیده بیر ویدیو ترقه‌تیش بیلن ایتگن که، باله‌لر اوتگن زمان‌لر گه نسبتاً حاضر ایسه کوپراق انسان‌دوستلیک یاردم‌لر گه نیازلری بار. اونینگ کوپه‌یتیریشیچه: «باله‌لر نی قوللب-قوتلش اوچون انسان‌پرورلیک یاردم‌لر نینگ اوز وقتیده بیریلیشی جوده‌یم اونملی دیر.»
بیزلرنینگ توییترده هم تعقیب قیلینگ!
افغانستان ده قشاق‌لیک سبب، نیازمند باله‌لر آغیر ایش یا-ده تیلنچی‌لیک قیلیش گه مجبور بولگنلر. کابل نینگ سرک‌لریدن بیریده بوت رنگ قیلهدیگن ۱۱ یاشر عبدالله نینگ ایتیشیچه، آته‌سی کسل دیر و عایله خره‌جتی نی تامین‌لش اوچون آغیر ایشلر نی انجام بیریش گه مجبور بولگن.
عبدالله نینگ ایتیشیچه: «بوت رنگ‌له‌یمن و کونده ۱۰۰ الی ۲۰۰ افغانی قولگه کیلتیره‌من. آته‌م کسل دیر و عایله خره‌جتی نی تامین‌لش اوچون سعی و حرکت قیله‌من.»
شونینگدیک کابل ده ایشچی باله‌لردن باشقه بیری ساحل نینگ ایتیشیچه، او، بولانی پیشیریپ ساته‌دی و بولانی نینگ یاغی نیچه مرته قوللری نی کویدیرگن؛ بیراق عایله خره‌جتی نی تامین‌لش اوچون قیین‌چیلیک‌لر نی تحمل قیلیب ایشلماققه مجبور دیر.
اونینگ ایتیشیچه: «بولانی پیشیره‌من و بولانی نی یاغی قنچه مرته قول‌لریم نی کویدیرگن، اما عایله‌م‌ده ایش قیلهدیگن بیر کیشی یوق انه شوو سبب، عایله خره‌جتی نی تامین‌لش اوچون ایشله‌یمن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلام امیر‌لیگی ایش و اجتماعی ایشلر وزیرلیگی نینگ ایتیشیچه، مذکور وزیرلیک حاضرگچه ۲۰۰۰ ایشلچی باله نی یاردم قولگه کیلتیریش اوچون افغانی قیزیل آی گه معرفی قیلگن دیر.
اوشبو وزیرلیک نینگ عامه رابطه‌لر و ارتباط‌لر مسئولی یونس صدیقی نینگ ایتیشیچه: «۱۴۰۱ ییل‌دن حاضرگچه، ۲ مینگ ایشلاوچی باله بازار‌لردن توپلنگن و یاردم قولگه کیلتیریش‌لری اوچون قیزیل‌آی گه معرفی بولگنلر و بو وزیرلیک باله‌لردن حمایت قیلیش اوچون بیر برنامه نی قولگه آلگن دیر.»
ایتیش کیره‌ک که، بیرلشگن ملت‌لر تشکیلاتی نینگ باله‌لردن حمایت قیلووچی صندیغی ایتگن که، دنیا ده‌گی ۱۱۰ میلیون نیازمند باله گه یاردم بیریش اوچوم ۱۰.۳ میلیارد دالر گه نیاز دیر.