رویترز آژانسینینگ بوگون (۲۹-قوس/ ۲۰-دسمبر، شنبه)، گزارش بیریشیچه، امریکا سوریه ده ایکی عسکرینینگ اولدیریلگنیگه جواب اولهراق، بو مملکتده داعش قرارگاهلریگه کینگ کولملی هجوملرنی اویوشتیرگن.
گزارشلر اساسیده، امریکانینگ اوروش وزیرلیگی سوریه بویلب داعشگه تیگیشلی قوراللر سقلنهدیگن سایتلر و آستقورمهلری شامل ۷۰ نشانگه هجوم اویوشتیرگن.
امریکانینگ اوروش وزیری پیت هگست، بو هجوملرنی «انتقام اعلامی» دیب و اورغولشیچه، امریکا «اوز اهالیسیدن دفاع قیلهدی.»
اوتگن هفته، سوریهنینگ تدمر شهریده امریکانینگ ایکی عسکری و بیرته ترجمان اولدیریلگن.
امریکا جمهور باشلیغی دونالد ترامپ و بو مملکت رسمیلرینینگ اعلام قیلیشیچه، اوشبو عملیاتدن مقصد، سوریه دهگی داعش قالدیقلریگه بویوک بیر ضربه ییتکزیش و منطقهده امریکا کوچلریگه قرشی مذکور گروهنینگ تهدید امکانیتلرینی کمهیتیریش دیر.
