امریکا جمهور باشلیغی اورینباسری جیدی ونسنینگ بوگون (۲۳-حمل/۱۲-اپریل، یکشنبه)، اعلام قیلیشیچه، مذاکره قیلهدیگن گروهی ۲۱ ساعت مذاکرهدن کیین، ایران بیلن بیر کیلیشووگه ایریشمسدن پاکستاننی ترک قیلگن.
رویترز آژانسی اوندن نقل قیلیب گزارش بیریشیچه: «یامان خبر بو دیر که کیلیشووگه ایریشمهدیک و مینیمچه، بو خبر امریکا گه قرهگنده ایران اوچون جوده یامانراق دیر.»
ونسنینگ کوپهیتیریشیچه، ایران امریکانینگ شرایطی جملهدن هستهای قورال توزهتمسلیک تعهدینی قبول قیلمسلیککه قرار قیلدی.
شوندهی بیرحالده، تسنیم آژانسینینگ گزارش بیریشیچه، امریکانینگ «حددن تشقری ایستهکلری» کیلیشووگه ایریشیشگه توسیق بولیب و مذاکرهلر یکونلنگن.
بو مذاکرهلر اسلامآباد ده اوتکزیلیب، اوتگن بیر دههده امریکا و ایران آرهسیدهگی بیرینچی توغریدن-توغری اوچرهشوو همده ۱۹۷۹-ییلگی اسلامی انقلابدن بویان اینگ یوقاری درجهدهگی مذاکرهلر حسابلنهدی.
ونس قیسقه خبری ییغیلیشیده، دنیانینگ قریب ۲۰ فایز انرژیسی اوتهدیگن و اوروش باشلنگنیدن بیری ایران آرقهلی یاپیلگن هرمز تنگهسی آچیلیشیگه اشاره قیلمهگن.
