امریکانینگ ییریک رسمیلریدن بیرینینگ ایتیشیچه، غزه بوییچه آتیش کیسین کیلیشووی اساسیده، حماسنی قورالسیزلشتیریش اوشبو جنبش اعضالری اوچون «معلوم توردهگی عفو» بیلن بیرگه عملگه آشیریلهدی.
امریکانینگ مذکور رسمیسیگه کوره، واشینگتن حماس آرقهلی قوراللر تاپشیریلیشینی کوتماقده و بو ایشنینگ عملگه آشیریلمهگنی صورتده، آتیش کیسین کیلیشووی بوزیلهدی.
الجزیره خبری ترماغینینگ گزارش بیریشیچه، بو مسئله امریکا دولتی رسمیلرینینگ ییتکرمهلر بیلن یاپیق ییغیلیشیده بیان بولیب و حماس اعضالرینی عفو ایتیش احتمالی بیرینچی مرته آچیق طرزده بیان بولگن.
اسرائیل غزه ده گروگه آلینگن سونگی اسرائیللیکنینگ قالدیقلری انیقلهنیب و قیتریلگنی حقیده خبر بیرگنیدن سونگ، اوشبو موضوعلر ایتیگن.
امریکانینگ تکلیف بیرگن ریجهسی اساسیده، گروگه آلینگنلرنینگ بوتونلی آزاد بولگنیدن کیین، قوراللرینی ییرگه قویگن حماس اعضالری عفو بولهدی و غزه نی ترک قیلماقچین بولگن کیشیگه تینچ یول یرهتیلهدی. شونینگدیک بو ریجه، رفح قتناو یولی آچیلیشی و غزه گه انسانسیورلیک یاردملرنینگ آزاد بیر شکلده اوتیشیگه تاکید قیلهدی.
شوندهی بیرحالده، حماس جنبشینینگ اعلام قیلیشیچه، آتیش کیسیننینگ بیرینچی باسقیچیدهگی اوز تعهدلرینی عملگه آشیرگن و اسرائیلدن اینیقسه قتناو یوللر آچیلیشی و غزه دن کوچلرینینگ بوتونلی چیقیشی توغریسیده کیچیکتیرمهی، اوز تعهدلریگه توختهشینی ایستهگن.
