افغانستانده‌گی آمریکالیک حربیلرنینگ ایتیش‌لریچه، اوتگن ۲۴ ساعت ده قندهار ده افغانستان حربیلری نینگ حمایتی بیلن طالبان نینگ قرارگاه‌لرینی بمبارد قیلیشگن.
بوگون (چهارشنبه ۲۷- حوت) افغانستان ده آمریکالیک حربیلر سوزلاوچیسی سانی لگت توییتر ده یازیشیچه، آمریکالیک حربیلر مذکور هجوم‌لرنی بو ولایت نینگ ژیری و سپین‌بولدک تومن‌لریده اویوشتیرگن. اونینگ یازیشیچه، طالبان جنگریلری افغانستان مدافعه و امنیتی کوچلری نینگ قرارگاه‌لری اوستیگه هجوم اویوشتیریش اوچون قرار آلگن بیرحالده، هوایی هجوم آستیده آلینگن.
افغانستان ده آمریکالیک حربیلر سوزلاوچیسی نینگ اورغولشیچه، افغانستانده‌گی حربیلر دوحه کیلیشوونامه‌سی اساسیده، افغانستان مدافعه و امنیتی کوچلریدن حمایتی گه دوام بیره‌دی. شونینگدیک سانی لگت قندهار ده آمریکالیک حربیلرنینگ هوایی هجومی توغریسیده قیلگن ادعاسینی اساس‌سیز دیگن.
طالبان بیر اعلامیه آرقه‌لی ایتیشیچه، افغانستانده‌گی آمریکالیک حربیلر مذکور گروه جنگریلری نینگ پنجوایی، خاکریز و ارغستان تومن‌لریده هوایی هجوم آستیده آلگن. طالبان نینگ کوپه‌یتیریشیچه، مذکور گروه جنگریلری اوز پوسته‌لری یا-ده سفر گه بولگن بیرحالده بو هجوم‌لر اویوشتیریلگن. طالبان گروهی بو هجوم‌لرنی قاره‌لب و اونینگ دوحه کیلیشوونامه‌سیگه قرشی دیگن.
