افغانستان ده خلق‌ارا قیزیل خاچ کمیته‌سی، خلق‌ارا «ماین خوفلریدن آگاهی‌لیک بیریش» کونی مناسبتی بیلن اعلام قیلیشیچه، افغانستان ده اوروشلردن قالگن ماین‌لر و پارتلاوچی ماده‌لر بو مملکت یشاوچیلری حیاتی‌نی تهدید قیله‌دی.
بو نهاد، اوز وبسایتی‌ده ترقه‌تگن گزارش‌ده یازیشیچه، اوتگن میلادی ییل‌ده افغانستان ده ۵۶۴ کیشی، ۲۵۱ واقعه‌ده اوروشلردن قالگن ماین‌لر و پارتلاوچی ماده‌لر‌نینگ پارتله‌گنی عاقبتیده هلاک بولگن.
بیزلرنینگ فیسبوک صحیفه‌میزگه باش اورینگ!
خلق‌ارا قیزیل خاچ کمیته‌سی‌نینگ ایتیشیچه، اوروش جریانیدن پارتلمه‌ی قالگن ماین‌لر و پارتلاوچی ماده‌لر‌نینگ پارتله‌گنی نتیجه‌سیده اولیب و یره‌لنگنلر آرهسیده ۴۳۴ باله هم شامل دیر.
بو نهاد‌نینگ گزارشی‌ده کیلیشیچه: «ماین‌لر و اوروش‌دن قالگن باشقه ماده‌لر نه فقط کونده‌لیک حیات‌نی قیین‌چیلیک بیلن روپه‌ره قیلیب و اقتصادی ترقیات‌‌گه توسیق بوله‌دی، بلکیم باله‌لر شامل اهالی آرهسیده یامان واقعه‌لرگه سبب بوله‌دی.»
بیزلرنینگ «ایکس» ترماغی ده هم تعقیب قیلینگ!
خلق‌ارا قیزیل خاچ کمیته‌سی‌نینگ کوپه‌یتیریشیچه، بو نهاد ۲۰۲۳ و ۲۰۲۴-ییل‌ده افغان قیزیل آی جمعیتی اداره‌سی همکارلیگی‌ده، افغانستان ده اوروش‌دن قالگن ماین‌لر بیلن افلاسلنگن بیش منطقه‌ده، ماین خوفلریدن آگاهی‌لیک بیریش ییغیلیش‌لری‌نی اوتکزیش اوچون ۱۰۰ داوطلب‌‌گه تعلیم بیرگن.
تورتینچی اپریل، ۲۰۰۵-ییل‌ده بیرلشگن ملتلر تشکیلاتی آرقه‌لی خلق‌ارا ماین خوفلریدن آگاهی‌لیک بیریش کونی صفتیده نام‌لنگن.
