سیدیکنی توته آلمسلیک، عیاللردن کوپ قطاری توغروقدن کیین چلینهدیگن کینگ ترقهلگن و اذیت قیلووچی کسللیک دیر. شفاکارلردن قطارینینگ ایتیشیچه، بو قیینچیلیک توغروقدن کیینگی دورهده عیاللر ساغلیگی توغریسیدهگی جدی قیینچیلیکلردن حسابلنهدی. تیز-تیز حمل آلیش، چقهلاقنینگ سیمیزلیگی، ایگیزک یا-ده نیچه ایگیزک حاملهدار بولیش و آنهنینگ یاشی یوقاری کیتیشی اونینگ اورته گه کیلیشی اصلی سببلریدن دییلگن.
اوشبو کسللیک عامللری توغریسیده نسایی-ولادی شفاکارلریدن زرمینه مهمندنینگ ایتیشیچه: «توغروقدن کیین سیدیکنی توته آلمسلیکنینگ بیر قطار عامللری بار. تیز-تیز حمل آلیش، چقهلاقنینگ سیمیزلیگی، فورسیپس یا-ده واکِیوم کبی یاردمچی اوسکونهلردن فایدهلنیش، ایگیزک یا-ده نیچه ایگیزک حاملهدار بولیش، آنهنینگ یاشی و حاملهدارلیکدن آلدین یا-ده کیین سیمیز بولیش دیر.»
شونینگدیک اوشبو کسللیک عامللری توغریسیده نسایی-ولادی شفاکارلریدن باشقه بیری جیبه رایاننینگ ایتیشیچه: «بو قیینچیلیکنینگ اورته گه کیلیشی مهم سببلریدن بیری، فیستول دیر. فیستول یعنی واژن آرهسیده و مثانه یا-ده روده کبی باشقه بولیملرده طبیعی بولمهگن بیر تیشیکنینگ یرهتیلیشی دیر. بو دیوار اورتهدن کیتگنیده، عیاللر سیدیک یا-ده حیضلرینی کنترول قیله آلمهیدیلر.»
شفاکارلرنینگ کوپهیتیریشلریچه، بو کسل دوالنهدی و ساغلیقنی سقلش مرکزلریده توغیش، حاملهدارلیک آرهسیده حداقل اوچ ییل فاصلهنی رعایت قیلیش و فیستولنی ترمیملش اوچون دوالنیش مرکزلرگه باریش و نهایت جراحیلیک، آنهلر ساغلیگی و یخشیلنیشیگه سبب بوله آلهدی.
نسایی-ولادی شفاکارلردن باشقه بیری معصومه احساننینگ ایتیشیچه: «گازلی ایچیملیکلردن فایدهلنمسلیگی کیرهک. بعضا جراحیلیککه نیاز بولهدی. بیر عیالده توغروقدن کیین آلتی آیگچه سیدیکنی توته آلمسلیک قیینچیلیگی بولسه، جراحیلیککه نیازی بولگنی احتمالی بار.»
شوندهی بیرحالده، طبیعی یا-ده سزارین شکلده توغگن آنهلردن هر ایکیسی هم بو کسللیککه روپهره بولگن. ایکی باله آنهسی بولگن و ایکینچی بالهسینی توغگنیدن کیین بو کسللیککه روپهره بولگن بادغیس ولایتیدن بولمیش ۲۵ یاشر ناهیدنینگ ایتیشیچه، شفاکار گه بارگنی و مخصوص عضلهلر تمرینلرینی قیلگنیدن کیین، کسللیگی یخشی بولگن.
اونینگ کوپهیتیریشیچه: «ایکینچی حاملهدارلیگیمده، آلتینچی آیدن سیدیکنی توته آلمسلیک قیینچیلیگینی تاپدیم. عطسه اورگنیمده، کولگنیمده یا-ده کوپ یوریگنیمده، بو قیینچیلیک تاپیلیدی. کوپ شرم قیلهر ایدیم و دایم استرسیم بار ایدی. تشقریگه کیتیش مینی اوچون بیر قیینچیلیک بولگن ایدی.»
طبیعی شکلده توغگن و ایکی باله آنهسی بولمیش ۲۷ یاشر عارفه فولادنینگ ایتیشیچه: «حاملهدارلیکنینگ سونگی آیلریده کولسم یا-ده عطسه اورسم، حاجتخانه گه باریشگه مجبور بولهر ایدیم. شفاکارنینگ مصلحتی و بیر قطار تمرینلر بیلن آز-آز ساغهیدیم.»
شونینگدیک بادغیس ولایتیدن بولمیش آنهلردن باشقه بیری حنیفهنینگ ایتیشیچه: «کوندهلیک حیاتیمده چیکلاو و اذیت بولیشیمگه سبب بولیب و تشقریگه چیقیش مینی اوچون قیین بولگن ایدی. دایم خواطرلنگن ایدیم. منظم تمرینلرنی انجام بیردیم و کیچه تامان سویوقلیکلردن فایدهلنیشنی کمهیتیردیم. بو تمرینلر حقیقتا یاردم بیردی.»
سیدیکنی توته آلمسلیک، توغیشدن کیین عیاللر آرهسیده طبیعی کسللیک بولیب و آگاهیلیک بیریلیش، مراقبت و شفاکار گه باریش بیلن، اونینگ کنترول قیلیب و دوالش ممکن.
