جوزجان ولایتی خوفسیزلیک قوماندانلیگی جنایی مدیریتی نینگ اختطاف گه قرشی کوره‌ش آمری شیر‌محمد سادات نینگ ایتیشیچه، اوتگن کون (پنج‌شنبه، ۲۵ حوت) شام چاغی ساعت ۷:۲۵ اطرافیده، اوشبو ولایت مرکزی شبرغان شهری نینگ «بابه‌علی» قیشلاغی یشاوچیسی بولمیش «طلابای» اسملی بیر ایرکک، ناتانیش قوراللی کیشیلر تامانیدن اوققه توتیلیب اولدیریلگن.
جوزجان ولایتی خوفسیزلیک قوماندانلیگی جنایی مدیریتی نینگ اختطاف گه قرشی کوره‌ش آمری نینگ کوپه‌یتیریشیچه، جنایی مدیریتی نینگ کرمینالوژی تحقیقات تیم‌لری واقعه محلی گه باریب و بو توغریده تیکشیرولری نی باشلگنلر.
بیزلرنینگ فیسبوک صحیفه‌میزگه باش اورینگ!
جناب سادات نینگ اورغولشیچه، حاضرگچه اوشبو واقعه سببی بیللی ایمس و بو واقعه گه تیگیشلی هیچ کیم قولگه آلینمه‌گن.
عین حالده، سونگی کون‌لر مملکت نینگ بیر قطار ولایت‌لریده سِرلی و مقصد‌لی قتل‌لر کوپه‌یگن دیر.
