بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، افعانستان ده ۶۶ مینگ عایله گه نقدی یاردم بیریشیدن خبر بیرگن.
یونیسف، بوگون (۲۲-ثور، دوشنبه)، بیر گزارش آرقهلی یازیشیچه، عایلهلر مذکور یاردملر بیلن بالهلرینینگ آوقتلنیشینی یخشیلب و ساغلیقنی سقلش خذمتلریدن یخشیراق فایدهلنیشلری ممکن.
بیزلرنینگ «ایکس» ترماغی ده هم تعقیب قیلینگ!
یونیسف، آسیا ترقیات بانکی همکارلیگی بیلن، هر آی هر بیر عایله گه ۲۰ دالر نقد پول یاردم بیرهدی.
گزارشده کیلیشیچه، اوشبو ۶۶ مینگ عایله زابل، کنر، سمنگان و غور ولایتلریده مالی یاردملردن فایدهلنیب و مذکور یاردملرنینگ ترقهتیلیشیدن مقصد، ۱۸ آیگچه بولگن چقهلاقلرنی قوللب-قوتلش دیر.
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتینینگ بالهلرنی قوللب-قوتلاوچی صندیغیگه کوره، افغانستان ده حاضرگچه توییب آوقتلنمسلیک آماری یوقاری بولیب و بو کبی نقدی یاردملر، حامله و سوت بیرهدیگن عیاللرنینگ یخشیراق آوقتلنیشیگه یاردم بیرهدی.
بیرلشگن ملتلر تشکیلاتینینگ معلوماتی اساسیده، افغانستاننینگ قریب ۲۳ میلیون یشاوچیسی انسانسیورلیک یاردملرگه نیازی بولیب و بو بیلن بیرگه، مذکور تشکیلات اوشبو مملکتده جدی شکلده بودجه کملیگی بیلن روپهره دیر.
