افغانستان ده بیرلشگن ملتلر تشکیلاتی باله‌لردن حمایت قیلووچی صندیغی (یونیسف) نینگ اعلام قیلیشیچه، افغانستان ده چقه‌لاقلردن اوچ‌دن ایکی قسمیدن آزراغی باش آلتی آیده آنه سوتی بیلن آوقت‌لنه‌دی.
اوشبو نهاد اوتگن کون (شنبه، ۱۳-اسد)، کیچ قورون اوز ایکس صحیفه‌سیده بیر بیانیه ترقه‌تیب یازیشیچه، آلتی آیلیک‌دن کیین آنه سوتی چقهلاقلر نینگ آوقت‌لنیشی احتیاجلرینی تامین‌لش اوچون ییترلی ایمس و اولر گه میوه و سبزه‌وات کبی باشقه آزیق-آوقتلر بیریلیشی کیره‌ک.
بیزلرنینگ «ایکس» ترماغی ده هم تعقیب قیلینگ!
یونیسف نینگ کوپه‌یتیریشیچه، اروپا بیرلشمه‌سی همکارلیگی‌ده آنه‌لر گه آوقت‌لنیش، سوت بیریش اصولی و وقتی گه اعتبار قره‌تیش خصوصیده مصلحتلر بیریب، چقه‌لاقلرنی اینگ یخشی سوت ایچیش دوریگه ایگه بولیشی اوچون بو جریان‌نی اوزگرتیریشگه حرکت قیلماقده.
اوتگن هفته بیرلشگن ملتلر تشکیلاتی نینگ باله‌لردن حمایت قیلووچی صندیغی و خلق‌ارا ساغلیق‌نی سقلش تشکیلاتی، دنیا بویلب چقه‌لاقلردن یالغیز ۴۸ فایزی آنه سوتی بیلن آوقت‌لنه دیب اعلام قیلگن ایدیلر. مذکور نهادلر نینگ کوپه‌یتیریشلریچه، سونگی ۱۲ ییل‌ده آنه‌لر نینگ سوت بیریش میزانی ۱۰ فایز کوپه‌یگن؛ لیکن حاضر هم چقه‌لاقلردن ۵۲ فایزی آنه سوتیدن قوللنه آلمه‌یدیلر.
بیزلرنینگ فیسبوک صحیفه‌میزگه باش اورینگ!
اوشبو ایکی نهاد گه کوره، توغری شکلده چقهلاقلر نینگ ایمیزیشی، ییل‌ده ۸۲۰ مینگ چقه‌لاق حیاتی نینگ قوتقریشی ممکن.
۱۹۹۲-ییل آگست آیی نینگ باش هفته‌سی بیرلشگن ملتلر تشکیلاتی نینگ باله‌لردن حمایت قیلووچی صندیغی و خلق‌ارا ساغلیق‌نی سقلش تشکیلاتی تامانیدن، ایمیزیش فرهنگی رواجلنیشی و آنه‌لر نینگ چقهلاقلر گه سوت بیریشی اهمیتی گه کوپراق توجه قیلیشی مقصد، آنه سوتیدن آوقت‌لنیش خلق‌ارا هفته‌سی صفتیده نام‌لنگن.
