بیرلشگن ملتلر تشکیلاتینینگ بالهلرنی قۉللب-قوتلش صندیغی (یونیسف)، اوشبو میلادی ییلده افغانستانده ۱۲ میلیون باله انسان سیورلیک یاردملر گه محتاجلیگینی بیلدیرگن.
یونیسف، بوگون (۹-جوزا، جمعه) ینگی گزارشیده، افغانستان انسان سیورلیک یاردملر گه محتاج بولگن ایکّینچی مملکتلیگینی اېتگن.
اوشبو نهادنینگ معلوماتلری اساسیده، ۲۲ میلیون ۹۰۰ کیشی-افغانستاننینگ قریب یریم اهالیسی، میلادی ۲۰۲۵-ییلده انسان سیورلیک یاردملر گه محتاج دیر.
بیزلرنینگ فیسبوک صحیفهمیزگه باش اورینگ!
یونیسف، بیش یاشنی تولدیرمهگن ۸۵۷ مینگ باله آوقت یېتیشماوچیلیگیدن اذیت چیکیب و تیزلیک بیلن دوالنیش گه محتاج اېکنلرینی قۉشیمچه قیلگن.
اوشبو گزارشنینگ بیر بولیمیده، پاکستاندن افغانستانلیک قاچقینلرنینگ کېنگ کولمده قیتیشی، افغانستانده انسان سیورلیک یاردملر گه احتیاجلرنی آشیرگنی قید اېتیلگن.
یونیسف گه کوره، میلادی ۲۰۲۳-ییل، سپتمبر آییدن ۲۰۲۵-ییل، اپریل آیی گه قدر، بیر میلیوندن کوپراق کیشی افغانستان گه قیتگن و اولرنینگ قریب ایکّی-اوچ قسمینی بالهلر تشکیل بیرهدی.
بیزلرنینگ «ایکس» ترماغی ده هم تعقیب قیلینگ!
افغانستانده محتاجلر سانی یوقاریلیگی بیلن، بوندن آلدین بیرلشگن ملتلر تشکیلاتی محتاجلر گه یاردم کورسهتیش اوچون بودجه آزلیگی بیلن روپهرهلیگی حقیده آگاهلنتیرگن.
