بوگون (سه‌شنبه ۶- عقرب) افغانستانده بیرلشگن ملتلر تشکیلاتی نینگ اورین‌باسرلیک دفتر هیأتی یا-ده یوناما ینگی بیر گزارش ترقه‌تیب ایتیشیچه، جاری میلادی ییل نینگ بیرینچی ۹ آیی‌ده افغانستان ده اوروشلر باعث ۵۹۳۹ تینچ‌اهالی هلاک و یره‌لنگن و مذکور رقم‌دن ۲۱۱۷ کیشی هلاک و ۳۸۲۲ تن جراحتی کوتارگن.
اوشبو گزارش گه کوره، تلفات رقمی میلادی ۲۰۱۹- ییل‌گه کوره ۳۰% کمه‌یگن. یوناما تامانیدن ترقه‌تیلگن گزارشگه کوره، میلادی ۲۰۱۲ – ییلدن بویان بو بیرینچی مرته کیم تینچ‌اهالی نینگ تلفات رقمی کینگ شکلده کمه‌یگن.
یوناما، تلفات رقمی نینگ کمه‌یگنی سببی، ۲۰۲۰ – ییل مارچ آیی‌دن بویان دولت‌گه قرشی قوراللی کیشی‌لرنینگ هجوم رقم کمه‌یگنی و خلق‌ارا کوچلرنینگ هوایی هجوم‌لری کمه‌یگنی دیدی.
یوناما تامانیدن ترقه‌تیلگن گزارشده، ۳۸% تینچ‌اهالی تلفاتی ییرلی آتیشمه‌لر، ۲۹% قوشمه هجوم، ۱۶% هدف‌لی هجوم، ۸% هوایی هجوم، ۵% اوروش‌لردن قالگن پارتلش ماده‌لر و ۴% باشقه دلیللر باعث هلاک ایتیلگنی انیق‌لنگن.
یوناما تامانیدن ترقه‌تیلگن گزارش اساسیده، ۴۵% تینچ‌اهالی تلفاتی نینگ عاملی طالبان دیر. ۲۳% تینچ‌اهالی نینگ تلفات عاملی افغان امنیتی کوچلر ، ۲% تینچ‌اهالی تلفاتی عاملی خلق ارا کوچلرنینگ هوایی هجومی، ۷% تینچ‌اهالی تلفات عاملی داعش گروهی، ۷% تینچ‌اهالی تلفاتی عاملی نابیللی بولگن عنصرلر، ۱% تینچ‌اهالی تلفات عاملی دولت‌گه یاردم بیروچی کوچلر و ۱۴% تینچ‌اهالی تلفاتی عاملی ناتنیش گروه‌لر دیر.
یوناما تامانیدن ترقه‌تیلگن گزارشده، ۳۱% تینچ‌اهالی تلفات رقمی نی باله‌لر، ۱۳% تینچ‌اهالی تلفات رقمی نی عیاللر تشکیل بیره‌دی.
یوناما نینگ گزارشی‌گه کوره، تینچ‌اهالی نینگ کوپینچه تلفاتی جاری میلادی ییل نینگ بیرنچی ۹ آیی‌ده بلخ، سمنگان، جوزجان، بدخشان، غور، کاپیسا، لوگر، خوست و بامیان ولایت‌لریده بولگن.
یوناما تامانیدن ترقه‌تیلگن گزارشگه کوره، میلادی ۲۰۱۹ – ییل‌گه کوره باله‌لر تلفات رقمی ۴۷% کمه‌یگن، لیکن افغانستان ینه هم باله‌لر اوچون اینگ هلاکت‌لی اولکه بولگن.
انه‌شوحالده یوناما، تینچ‌اهالی تلفاتی رقمی کمه‌یگنیدن خرسندلیک بیلدیریب، لیکن تینچ‌اهالی نی بوتون حمایه‌لش اوچون افغانستانده‌گی اوروش‌لرنی بوتونلی صورتده توخته‌تیب قویشش نی لازم دیگن.