افغانستان ده بیرلشگن ملت‌لر تشکیلاتی نینگ اورین‌باسرلیک هیئت دفتری (یوناما)، اوتگن کون (دوشنبه، ۱۳-حمل)، بیر گزارش ترقه‌تیش بیلن ایتیشیچه، افغانستان نینگ ۳ مینگ کیلومتر مربع‌دن آرتیق ییری، اوروشلر جریانیدن پارتلمه‌ی قالگن ماین‌لردن تازه‌لنیشی بیلن، لیکن حاضرگچه افغانستان نینگ ۱۰۰۰ کیلومتردن آرتیق توپراغیده، پارتلمه‌ی قالگن ماین‌لر موجود دیر.
بیرلشگن ملت‌لر تشکیلاتی اورین‌باسرلیک هیئت دفتری نینگ کوپه‌یتیریشیچه، سونگی اوچ دهه‌دن بویان اوروشلر جریانیدن پارتلمه‌ی قالگن ماده‌لر و ماین‌لر نینگ پارتلگنی نتیجه‌سیده، ۴۴ مینگ‌دن آرتیق کیشی اولیب یا-ده یره‌لنگن.
بیزلرنینگ «ایکس» ترماغی ده هم تعقیب قیلینگ!
مذکور گزارش نینگ بیر بولیمی‌ده کیلیشیچه: «میلادی ۱۹۸۹-میلادی ییل‌دن بویان اوروشلر جریانیدن پارتلمه‌ی قالگن ماده‌لر و ماین‌لر نینگ پارتلگنی نتیجه‌سیده، ۴۴ مینگ‌دن آرتیق کیشی اولیب یا-ده یره‌لنگن که، اورته شکلده آی‌ده ۱۱۰ کیشی دیر؛ قریب ۵ مینگ ۳۹۲ خطر تانیلیب و حاضرگچه قالگن دیر که قریب بیر مینگ ۲۸۳ کیلومتر مربع ییر نی کورسته‌دی؛ بو قیین‌چیلیک قریب بیر مینگ ۵۳۷ جمعیت نی تهدید قیله‌دی که، اهالی و انسان‌پرورلیک کیشیلر نینگ تینچ حرکتی گه توسیق بوله‌دی.»
یوناما گه کوره، افغانستان ده قربان بولگنلردن کوپینچه‌سی نینگ عیاللر و باله‌لر تشکیل بیره‌دی.
مذکور هفته یک‌شنبه کونی غزنی و هرات ولایت‌لریده ماین پارتلشی نتیجه‌سیده ۱۰ باله اولیب و باشقه ۵ باله نینگ یره‌لنگنی بیرحالده، یوناما پارتلمه‌ی قالگن ماین‌لر بیلن افغانستان نینگ یوزلب کیلومتر ییری افلاسلنگنی‌دن خواطر بیلدیرگن.
هرات ولایتی رباط‌سنگی تومنی نینگ خواجه تلختان قیشلاغی و غزنی نینگ گیرو تومنی‌ده‌گی اوشبو باله‌لر یقین‌داشلری نینگ سلام‌وطندار بیلن اوتکزگنلری صحبت‌لریده، سرپرست حکومت‌دن ماین بیلن افلاسلنگن ییرلر نینگ تازه‌لنیشی اوچون جدی اعتبار قره‌تیشلری نی ایسته‌گنلر.
هرات ولایتی رباط‌سنگی تومنی نینگ خواجه تلختان قیشلاغیده‌گی اوشبو باله‌لر یقین‌داشلریدن ظاهر نینگ ایتیشیچه: «ماین توپراق آستیده ایکن و یامغیر‌لر کوپ یاغگنی پیتده، ماین توپراق آستیدن چیققن. باله‌لر هم اوینش‌لری چاغیده اوشبو ماین‌نی تاش بیلن اورگنلر و پارتله‌گن. باله‌لردن بیرته‌سی اولیب و ۵ ته‌سی ایسه یره‌لنگن.»
غزنی نینگ گیرو تومنی‌ده‌گی مذکور باله‌لر یقین‌داشلریدن اخترمحمد نینگ ایتیشیچه: «گیرو تومنی نینگ زدران قیشلاغیده، ۹ باله شهید بولدی. دولت‌دن منطقه‌میز نینگ ماین‌لردن تازه‌لنیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
شونینگدیک اوتگن کون بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف) نینگ ایتیشیچه، افغانستان اوروشلر جریانیدن پارتلمه‌ی قالگن ماده‌لر بیلن افلاسلنگن مملکت‌لردن بیری دیر که، کوپراق عیاللر و باله‌لردن قربانی‌لیک آله‌دی.
ایتیش کیره‌ک که، بوندن آلدین حادثه‌لر گه ییتیشیش بوییچه دولت وزیرلیگی نینگ ماین‌لرنی تازه‌لش بولیمی، بو توغریده دولت آرقه‌لی خاص بودجه اختصاص بیریلمه‌گنی نی، اوروشلر جریانیدن پارتلمه‌یگن قالگن ماده‌لر و ماین‌لر بین افلاسلنگن ییرلر تازه‌لنیش پروسه‌سی نینگ سیکین‌لیگی گه سبب بولگن عاملی دیب عنوان قیلگن ایدی.
