بیرلشگن ملتلر تشکیلاتی ترقیاتی دستورینینگ انقراضنی مدیریت قیلیش بولیمی باشلیغی و اداری اورینباسری شکو نودا گه کوره، بو تشکیلات افغانستان گه قیتهدیگنلر قیینچیلیکلری حلی اوچون دایمی ییچیم یول تاپیش بوییچه ایشلهیدی.
اسلام امیرلیگی قاچقینلر وزیرلیگی، بوگون (۵-قوس، چهارشنبه)، اکس صحیفهسیده بیر بیانیه آرقهلی یازیشیچه، شکو نودا بو موضوعنی اوشبو وزیرلیک وزیری محمد عبدالکبیر بیلن اوچرهشگنیده بیان قیلیب و افغانستاننینگ بیرلشگن ملتلر تشکیلاتی ترقیاتی دستوری اولویتیده بولگنینی ایتگن.
بیانیهده کیلیشیچه: «شکو نودا ایتگن که قیتگنلرنینگ قابلیتلر و امکانیتلریگه توجه قیلیش بیلن، اولر جمعیتنینگ فعال اعضالریگه اوزگرهدی و اولرگه مناسب ایش محیطینی یرهتیش اوچون سعیوحرکت بولماقده.»
بیرلشگن ملتلر تشکیلاتینینگ اوشبو رسمیسی، افغانستان گه قیتگن قاچقینلرگه تیگیشلی مسئلهلر حقیده فایدهلی ایش و اولرنینگ قیینچیلیکلری حلی اوچون قوشمه بیر کمیتهنینگ تشکیل بولیشینی تکلیف بیرگن.
بوندن آلدین، بیرلشگن ملتلر تشکیلاتینینگ ترقیاتی دستوری، ایران و پاکستان دن افغانستانلیک قاچقینلر قیتیشی، افغانستاننینگ تیکلهنیش جریانی همده قیتگنلر جایلشهدیگن حدودلرنینگ باسیم آستیده قالگنینی معلوم قیلگن ایدی.
