بیرلشگن ملتلر تشکیلاتی باشکاتبی آنتونیو گوترش، غزه گه اسرائیل آرقهلی اویوشتیریلهدیگن هجوملرنینگ کوچهیشیگه قرشی عکسالعمل بیلدیریب، تیزلیک بیلن دایمی آتیشکسین برقرار بولیشینی ایستهگن. گوترشنینگ اورغولشیچه، هیچ نرسه فلسطین خلقینینگ جمعی جزالنتیریشنی آقلهی آلمهیدی.
بیرلشگن ملتلر تشکیلاتی باشکاتبی، بوگون ایرتهلب (۲۹-ثور، دوشنبه)، اکس صحیفهسیده یازیشیچه: «حاضر دایمی بیر آتیش کیسین گه نیازیمیز بار.»
بیزلرنینگ فیسبوک صحیفهمیزگه باش اورینگ!
او، ییتینچی اکتبر حماسنینگ اسرائیل گه اویوشتیرگن هجومینی «وحشیلیک» دیگن؛ بیراق اورغولشیچه، نه بو واقعه و نه فلسطین خلقینینگ جزالنتیریلیشی، عاقلانه ایمس.
گوترش، گروگه آلینگن اسرائیللیکلرنینگ «شرطسیز» شکلده آزاد بولیشینی سورهب و شونینگدیک اسرائیلدن هم نوار غزه گه انسانسیورلیک یاردملرنینگ یوباریلیشیگه رخصت بیریلیشینی ایستهگن.
سونگی کونلر، اسرائیل غزهنینگ تورلی منطقهلریگه هجوملرینی کوچهیتیرگنی بیرحالده، بو ایستهک بیان بولگن. اسرائیل آرقهلی غزه گه اویوشتیریلگن هجوملرده، یالغیز اوتگن ۲۴ ساعتده، ۱۰۰دن آرتیق فلسطینلیک قربان بولگن.
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، غزهنینگ چیگره قتناو یوللری یاپیق قالگنی و انسانسیورلیک یاردملر یوباریلیشیگه توسیق بولینگنیدن ایکی آی اوتگن.
خلقارا نهادلرنینگ آگاهلنتیریشیچه، بمباردمان و محاصره بولیش آستیده، غزه ده کینگ کولمی قحطچیلیک و آچرچیلیک خوفی جدی بیر شکلده آشگن.
