بیرلشگن ملتلر تشکیلاتی باش کاتبی آنتونیو گوترش، فلسطینلیک آوارهلر گه بو تشکیلاتنینگ یاردم بیرووچی آژانسیگه تیگیشلی مرکزلر (آنروا) برقی و سووی کیسیلیشی اوچون اسرائیل قرارینی قارهلهگن.
رویترز آژانسینینگ بوگون (۱۱-جدی/ ۱-جنوری، پنجشنبه)، گزارش بیریشیچه، گوترش بو موضوعنی اوتگن کون بیان قیلگن.
گوترشنینگ کوپهیتیریشیچه، فلسطینلیک آوارهلرگه بیرلشگن ملتلر تشکیلاتینینگ یاردم بیرووچی آژانسیگه تیگیشلی مرکزلر برقی و سووی کیسیلیشی، فلسطینلیکلرگه خذمتلر کورسهتیلیش جریانیگه قیینچیلیک یرهتهدی.
باشقه بیر تاماندن، آنروانینگ اعلام قیلیشیچه، اسرائیلنینگ بو حرکتی اوشبو آژانسنی اعتبارسیزلشتیریش بوییچه ریجهلشتیریلگن بیر کمپایننینگ بیر بولیمی و فلسطینلیک آوارهلرگه یاردم کورسهتیلیشیگه توسیق یرهتیلیش دیر.
اسرائیل پارلمانی، دوشنبه کونی فلسطینلیک آوارهلر اوچون بیرلشگن ملتلر تشکیلاتیگه تیگیشلی مرکزلر سووی و برقی کیسلیشی اساسیده بیر قانوننی تصدیقلهگن.
شونینگدیک اسرائیل ۲۰۲۴-ییلده، ۲۰۲۳-ییل ۷-اکتبر واقعهلریده آنروا ایشلاوچیلریدن قطارینینگ قتنشگنینی ادعا قیلیب، نهایی طرزده بو آژانس فعالیتی و اونی بیلن اوشبو مملکت رسمیلری علاقهسینی تقیقلهگن ایدی.
آنروا، کرانهی باختری، اردن، لبنان، سوریه و غزه ده میلیونلب فلسطینلیککه انسانسیورلیک یاردملر، ساغلیق و تعلیمی خذمتلرنی کورستهدی. بو نهاد، نیچه مدتدن بویان اسرائیل بیلن مناسبتی یخشی بولمهی و مذکور مملکت هم نیچه مرته اونینگ مسئولیتلرینی بیرلشگن ملتلر تشکیلاتینینگ باشقه نهادلریگه تاپشیریلیشینی ایستهگن.
