اوکراین اردوسی، روسیه نینگ بلگورود ولایتی گه هجوملرینی باشله‌گن. ده مسکو کونده‌لیگی بوگون (۶-سنبله، سه‌شنبه) ترقه‌تگن گزارشیده اوکراین اردوسی روسیه نینگ بلگورود ولایتی گه حربی هجوملرینی باشله‌گنیدن خبر بیرگن.
اوشبو کونده‌لیک روسیه رسمی‌لریدن نقل قیلیب یازیشیچه، اوکراین حربی کوچلری بیلگورود ولایتی جنوب-غرب ده‌گی چېگره‌لری گه هجوم قیلیب و او ییردن روسیه توپراغی گه باستیریب کېریش گه حرکت قیلگنلر.
بیزلرنینگ فیسبوک صحیفه‌میزگه باش اورینگ!
معلومات‌لر گه کوره، اوکراین نینگ ۲۰۰ گه یقین عسکری «نخوتیفکا» بیکتی و باشقه ۳۰۰ عسکری «شبکینو» بیکتی یقینیده نظارت اوچون جایلشتیریلگن.
روسیه چېگره‌چیلری، چېگره حدودلرده ییرلشتیریلگن اوکراین عسکرلری بیلن توقنشماقده‌لیگی اېتیله‌دی.
بیزلرنینگ «ایکس» ترماغی ده هم تعقیب قیلینگ!
روسیه مدافعه وزیرلیگی، چېگره ده وضعیت آغیرلشماقده لېکن نظارت آستیده‌لیگینی بیلدیرگن. شونینگدیک اوشبو وزیرلیک، اوکراین نینگ اوچ قیشلاغی جمله دن نخوتیفکا دن ۱۰ کیلومتر دن کمراق مصافه ده جایلشگن «پیتروکَدا» قیشلاغی اوققه توتیلگنینی معلوم قیلگن.
روسیه اردوسی اۉتگن کون راکته و اوچووچی‌سیز اوچاق‌لر آرقه‌لی اوکراین نینگ ۱۵ ولایتی اینیقسه مذکور مملکت پایتختی گه هجوم اویوشتیرگن بیرحالده، اوکراین حربی کوچلری روسیه نینگ بلگورود منطقه‌سی گه هجوم قیلگنلر.
