هرات محلی مسئوللری نینگ ایتیشلریچه، بوگون (پنجشنبه،۱۰ حمل) اوشبو ولایت نینگ اوبه تومنیده ییرلشگن تاش کومیر کانینی قازیب چیقریش ایشی باشلنگن و هر ییلی مذکور کان دن ۱۰۰ تُن دن آرتیق تاش کومیر قازیب چیقریلیشی کوتیله‌دی.
هرات ولایتی کان‌لر و پترولیم باشلیغی فضل‌احمد منیب خاموش نینگ سلام‌وطندار گه ایتیشیچه، اوبه تاش کومیر کانینی قازیب چیقریش اوچون بیر کمپنیه بیلن اوچ ییل‌لیک قرارداد امضاله‌گن.
بیزلرنینگ فیسبوک صحیفه‌میزگه باش اورینگ!
جناب خاموش گه کوره، مذکور ولایت ده حاضر باشقه ۹ کان‌نی قازیب چیقریش اوچون سعی‌وحرکت قیلماقده‌لر، بو کان‌لردن قازیب چیقریلگن ماده‌لر ایچکی مصرف گه علاوه چیت ایل گه هم صادر ایتیله‌دی.
باشقه تاماندن، اوبه تاش کومیر کانینی قرارداد قیلگن و بلال مدثر کمپنیه باشلیغی عبدالواسع گه کوره، اوشبو کان ۲۵۸ میلیون افغانی قرارداد قیلینگن.
او نینگ کوپه‌یتیریشیچه، مذکور کان ده تخمیناً ۴۰۰ کیشی ایش بیلن تأمینله‌نیب و هر ییلی قریب ۱۰۰ تُن تاش کومیر قازیب چیقریلیشی کوتیله‌دی.
بیزلرنینگ توییترده هم تعقیب قیلینگ!
هرات ولایتی اوبه تومنی یشاوچیلریدن بیرقطاری، اوشبو تومن تاش کومیر کانی قازیب چیقریلیش ایشی باشلنگنیدن خورسندلیک قیلیب ایتیشلریچه، مذکور کان ایشی باشله‌نیشی بیلن اوبه تومنی سرکی اسفالت بولیشینی سوره‌یدیلر.
