بیرلشگن عرب امیرلیگی تشقی ایشلر وزیرلیگی، ینگیلیکده ترقهتگن بیانیهسیده، افغانستاننینگ ییتّی ولایتیده ۱۰ توغریقخانه قورگنیدن خبر بیرگن.
اوشبو وزیرلیکنینگ بیانیهسیده کېلیشیچه، افغانستانده آست قورمهلر اساسی شکلده یخشیلنیشی اوچون ساغلیق بولیمی همده آنهلر و بالهلردن مراقبت قیلیش مقصدیده، افغانستاننینگ ییتّی ولایتیده ۱۰ توغریقخانه قورگن.
بیزلرنینگ فیسبوک صحیفهمیزگه باش اورینگ!
اوشبو بیانیهنینگ بیر بولیمیده بوندهی کېلگن: «بو تشبث، بیرلشگن عرب امیرلیگی تشقی ایشلر وزیرلیگینینگ تشقی یاردملری سیاستی بیر بولیمی اولهراق عملگه آشیریلگن، بو یاردملر افغانستانده انسان پرورلیک یاردملر ادارهسی تامانیدن نظارت بولهدی، بو توغریقخانهلر هرات، قندهار، پکتیا، ننگرهار، هلمند، پکتیکا و بلخ ولایتلریده قوریلیب و فایدهلنیشگه تاپشیریلگن.»
اوشبو توغریقخانهلر قوریلگن ولایتلرنینگ یشاوچیلریدن بیرقطاری، حاضر هم ساغلیق مرکزلری، نسایی ولادی آزلیگی و قیشلاقلرده یخشی طبی خذمت کورسهتیلمسلیک قیینچیلیگی بیلن دوچ اېکنلرینی اېتهدیلر.
بیزلرنینگ «ایکس» ترماغی ده هم تعقیب قیلینگ!
اولر، ولایتلریده بو گَل کوپراق ساغلیق مرکزلری اینیقسه توغریقخانهلر قوریلیشینی اېستهیدیلر.
بوندن آلدین، خلقارا تشکیلاتلر و قیشلاقدهگیلردن بیرقطاری، افغانستاننینگ اوزاق قیشلاقلریده ساغلیق مرکزلری یوقلیگی یا که آزلیگی و آنهلر همده بالهلرنینگ اولیم میزانی یوقاریلیگیدن آگاهلنتیرگن اېدیلر.
