فاریاب محلی مسئوللری نینگ تصدیق قیلیش‌لریچه، میمنه_مزارشریف قتناو یولیده یوز بیرگن اَیری ایکی ترافیکی حادثه نتیجه‌سیده، بیر عیال بیلن بیر قیز اولیب و ایکی کیشی ایسه یره‌لنگن.
فاریاب معلومات و مدنیت ریاست رئیسی شمس‌الله محمدی نینگ ایتیشیچه، مذکور ترافیکی حادثه‌لر اوتگن کون (پنج‌شنبه، ۲۵_حوت)، میمنه_مزارشریف قتناو یولیده یوز بیرگن.
بیزلرنینگ فیسبوک صحیفه‌میزگه باش اورینگ!
جناب محمدی گه کوره، اوتگن کون فاریاب ولایتی شیرین‌تگاب تومنی نینگ «دشت فیض‌آباد» ساحه‌سیده، ۷ یاشر بیر قیز «کرولا» تیپلی بیر موتر آستیده قالیب و هلاک بولگن که، مذکور موتر هیداوچیسی خوفسیزلیک کوچلر آرقه‌لی قولگه آلینگن.
شونده‌ی بیرحالده، فاریاب معلومات و مدنیت ریاست رئیسی نینگ کوپه‌یتیریشیچه، «سراچه» تیپلی بیر موتر بیلن «کرولا» تیپلی موتر نینگ توقنشگنی سبب، بیر عیال اولیب و کرولا تیپلی موتر هیداوچیسی شامل ایکی کیشی یره‌لنگن.
بیزلرنینگ توییترده هم تعقیب قیلینگ!
ایتیش کیره‌ک که، سونگی کون‌لر مملکت نینگ قطار ولایت‌لریده ترافیکی حادثه‌لر کوپه‌یگن دیر.
