بامیان محلی مسؤل‌لری نینگ ایتیش‌لریچه، اوشبو ولایتده یوز بیرگن پارتلش نینگ ۵- عاملی هم قولگه آلینگن.
بامیان حاکمی سوزلاوچیسی عبدالطیف عظیمی نینگ سلام‌وطندارگه ایتیشیچه، بو ولایتده قانلی پارتلش یوز بیرگنیدن سونگ، امنیتی کوچلر واقعه عامل‌لرینی قولگه آلیش اوچون سعی و حرکت قیلگن و نتیجه ده مذکور پارتلش ۵- عاملی اوتگن “یکشنبه” کونی شام چاغیده قولگه آلینگن.
جناب عظیمی نینگ ایتیشیچه، قولگه آلینگن شبهه‌لی کیشی بامیان نینگ قانلی پارتلشیده قولی بولگنی‌نی تصدیق‌لگن.
انه‌شوحالده، بامیان پولیس قومندانلیگی سوزلاوچیسی رضا یوسفی، ۴ قوس ده بامیان شهریده یوز بیرگن پارتلش عاملی قولگه آلینگنینی تصدیق‌لگن.
شونینگدیک، امنیتی منبع‌لردن بیری نینگ کیم‌لیگی سیر قالیش‌نی ایسته‌ب سلام‌وطندارگه ایتیشیچه، واقعه گه قولی بولگنلردن ۲ ته‌سی پولیس کوچلریگه تیگیشلی دیر و مذکور کیشی‌لردن بیر ته‌سی افسر و باشقه بیرته‌سی عسکر دیر.
اوشبو منبع‌گه کوره، قولگه آلینگن افسر مهندسلیک آمری و باشقه بیری ایسه بامیان پولیس کوچلری مخدره ماده‌‌گه قرشی کوره‌شیش بولیمی نینگ عسکری دیر.
۴ قوس ده بامیان شهریده یوز بیرگن پارتلشده ۲۰ کیشی هلاک و باشقه ۶۰ کیشی یره‌لنگن ایدی.
