هرات خوفسیزلیک مسئوللری نینگ سلام‌وطندار گه ایتیش‌لریچه، اوشبو ولایت‌ده بیر کیچه و کوندوزده ایکی حامله عیال اولدیریلگن.
مسئوللر گه کوره، اوتگن کون هرات نینگ زاول تومنی‌ده حامله بیر عیال، ناتانیش اوچ کیشی تامانیدن جنسی زوره‌وانلیک‌دن کیین، بیر باله‌سی بیلن اولدیریلگن.
بیزلرنینگ فیسبوک صحیفه‌میزگه باش اورینگ!
هرات امنیه قوماندانلیگی نینگ میدیالر بولیمی آمری عبدالله انصاف نینگ ایتیشیچه، مذکور کیشی‌لر خوفسیزلیک کوچلر تامانیدن قولگه آلینگن.
اونگه کوره، قولگه آلینگن کیشی‌لر اوز گناه‌لرینی قبول قیلیب، اوشبو موضوع آچیق‌لنمسلیگی اوچون حامله عیال بیلن باله‌سی نینگ اولدیرگنلرینی ایتگن‌لر.
هرات امنیه قوماندانلیگی میدیالر بولیمی آمری نینگ کوپه‌یتیریشیچه، مذکور اوچ کیشی محل یشاوچیلری تامانیدن اولدیریلگن؛ بیراق اوشبو اوچ کیشی نینگ قنده‌ی اولدیریلگنی خصوصیده تیکشیرولر باشلنگن.
شونده‌ی بیرحالده، هرات ده محلی منبع‌لر نینگ ایتیش‌لریچه، محل یشاوچیلری زاول تومنی بناسی برابریده ناراضی‌لیک نمایش یولگه قویگن‌لریدن کیین، مذکور اوچ کیشی نی قماق‌خانه‌دن چیقریب آتیب اولدیرگنلر.
بیزلرنینگ توییترده هم تعقیب قیلینگ!
باشقه بیر تاماندن، اوتگن کون یوز بیرگن ینه بیر واقعه‌ده، هرات نینگ «فرقه‌ی سابقه» منطقه‌سیده حامله بیر عیال اویی ده اوغلی تامانیدن اولدیریلگن.
هرات خوفسیزلیک مسئوللری نینگ ایتیش‌لریچه، مذکور کیشی اوی ده آنه‌سی نی اولدیرگندن کیین، ایران قاچیب کیتگن.