اوکراین رسمیلرینینگ اعلام قیلیشیچه، روسیه آرقهلی بو مملکتدهگی نیچه قوتلی بیر بنا گه اویوشتیریلگن بیر هجومده، کمیده ایکی کیشی اولگن.
رویترز آژانسینینگ گزارش بیریشیچه، روسیه اوتگن کون اوکراین شمالشرقیده خارکیف شهریده جایلشگن یشش بیر بنانی نشانگه آلگن.
گزارش اساسیده، روسیهنینگ اوشبو هجومی نتیجهسیده ایکی کیشی اولیب و ۲۵ کیشی یرهلنگن.
روسیه مدافعه وزیرلیگی، خارکیف گه اویوشتیریلگن هجوم ادعاسینی رد قیلیب و ایتیشیچه، بو شهردهگی پارتلش اوکراین تامانیدن ییرلشتیریلگن قورال-یراغلر طفیلی یوز بیرگن. مذکور وزیرلیکنینگ کوپهیتیریشیچه، بو مملکت ینگی ییل کیچهسیدهگی هجومگه دنیا توجهسی قرهتیلمسلیگی اوچون خارکیف هجومینی روسیهگه نسبت بیرهدی.
خارکیف، اوکرایننینگ ایکینچی بویوک شهری بولیب، تورت ییل جریانیده بو مملکت و روسیه آرهسیدهگی توقنشوولرده، نیچه مرته هوا هجوملری آرقهلی نشانگه آلینگن.
روسیه و اوکراین اوروشی، ایکی مملکت آرهسیده آتیش کیسین برقرار بولیشی اوچون امریکانینگ سعیوحرکتلری حاضرگچه نتیجه بیرمه بیرگنی بیرحالده، دوام قیلماقده.
